Диссертацияси илмий раҳбар: и ф. д., профессор О.Қ. Хатамов Тошкент 2020 йил мундарижа

Диссертация мавзусининг диссертация бажарилган олий таълим муассасасининг илмий-тадқиқот ишлари режалари билан боғлиқлиги. Диссертация тадқиқоти Термиз давлат университети илмий-тадқиқот ишлари режасига мувофиқ, ИТД-2 «Глобал иқлим ўзгариши натижасида юзага келаётган сув танқислиги шароитида қишлоқ хўжалик экинлари таркибини диверсификациялаш асосида Ўзбекистоннинг жанубий ҳудудлари суғориладиган ерларида экологик мувозанатни сақлашнинг ташкилий-иқтисодий асосларини ишлаб чиқиш» мавзусидаги фундаментал лойиҳа (2012-2016 йй) доирасида бажарилган.
Тадқиқотнинг мақсади ҳудудларда истеъмол саватига кирувчи қишлоқ хўжалик маҳсулотларини етиштириш жараёнларини эконометрик моделларини тузиш ва истиқболларини прогнозлаш бўйича таклиф ва тавсиялар ишлаб чиқиш ҳиcобланади.
Тадқиқотнинг вазифалари қуйидагилардан иборат:
қишлоқ хўжалик тармоғини миллий аграр сектордаги тутган ўрнини, ўзига хос хусусиятларини ҳамда назарий-услубий асосларини ёритиш;
ҳудуд аҳолисини истеъмол саватига кирувчи қишлоқ хўжалик маҳсулотлари билан таъминланганлигини баҳолаш усуллари, тамойиллари ва мезонларини асослаш ҳамда уни таъминлашда давлатнинг ўрнини баҳолаш;
қишлоқ хўжалик маҳсулотлари етиштиришнинг кўп омилли эконометрик моделларини тузиш бўйича илмий таклифлар ишлаб чиқиш;
ҳудудларда қишлоқ хўжалик маҳсулотлари етиштириш муаммоларини бартараф этишга асос бўладиган омиллар тизимини ишлаб чиқиш;
Сурхондарё вилояти мисолида истеъмол саватига кирувчи қишлоқ хўжалик маҳсулотлари етиштириш жараёнлари ва асосий тенденцияларини кўп омилли таҳлил этиш;
вилоятда истеъмол саватига кирувчи қишлоқ хўжалик маҳсулотлари етиштиришни молиявий қўллаб-қувватлашнинг ҳозирги ҳолатини эконометрик таҳлил қилиш;
ҳудудларда истеъмол саватига кирувчи қишлоқ хўжалик маҳсулотлари етиштиришнинг ўрта муддатга мўлжалланган кўп вариантли прогноз моделларини тузиш.
Тадқиқотнинг объекти бўлиб, истеъмол саватига кирувчи қишлоқ хўжалик маҳсулотларини етиштириш жараёнларини моделлаштириш ҳисобланади.