Диссертация мавзусининг долзарблиги ва зарурати

1 - жадвал
Эшитишида нуқсони бўлган болаларга ихтисослаштирилган мактаб-интернат битирувчиларининг меҳнат билан бандлигини аниқлаш даражалари

Даражалар
Аъло	Қониқарли	Қониқарсиз
Битирувчилар: - мактаб-интернатда ўрганган касби бўйича фаолият олиб боради; - ойлик маоши юқори; - малака талаб этувчи касбларда ишлайди; - доимий иш ўрнига эга; - эгаллаган касбига меҳнат бозорида эҳтиёж юқори.	Битирувчилар: - мактаб-интернатда ўрганган касби бўйича фаолият олиб бормайди; - ойлик маоши юқори; - малака талаб этувчи касбларда ишлаш имкониятига эга эмас; - доимий иш ўрнига эга.	Битирувчилар: - мактаб-интернатда ўрганган касби бўйича фаолият олиб бормайди; - ойлик маоши кам. - малака талаб этувчи касбларда ишлаш имкониятига эга эмас; - доимий иш ўрни йўқ. - касбий кўникмага эга эмас; - вақтинчалик ташкил этилган ишларда ишлайди.

Эшитишида нуқсони бўлган болаларга ихтисослаштирилган мактаб-интернат битирувчилари сўровнома саволларига ёзма жавоб қайтардилар. Улар томонидан берилган жавоблар таҳлилининг натижаларидан шу нарса маълум бўлдики, улар берилган саволларни етарли даража тушуниб етмади.

Эшитишида нуқсони бўлган болаларга ихтисослаштирилган мактаб-интернат битирувчиларининг меҳнат билан бандлигини аниқлаш даражаларида кўрсатилган мезонлар бўйича респондентларнинг 15 нафари (9%) “Аъло”, 33 нафари (19%) “Қаниқарли”, 54 нафари (31%) “Қониқарсиз”, 71 нафари (41%) саволларни умуман изоҳлай олмади.
Биз эшитишида нуқсони бўлган болаларга ихтисослаштирилган мактаб-интернатларни тамомлаган кар ва заиф эшитувчиларнинг касбий фаолиятидаги муаммолар бўйича етарли маълумотларни олиш мақсадида улар билан учрашувлар, сухбатлар ўтказдик. Бундай суҳбатларда сўровнамада берилган саволлар мазмунини соддароқ тарзда тушунтирдик.
Тажриба-синов ишларининг якуни бўйича эшитишида нуқсони бўлган болаларга ихтисослаштирилган мактаб-интернат битирувчиларининг сўровнома саволларига берган жавобларидан қуйидаги натижалар олинди: