Давлатчилик тарихи. Маъруза матни 3-курс 1-Мавзу. Сўнги ўрта асрларда Ўзбек хонликлари

Демократик ислоҳатларни янада чуқурлаштириш ва фуқаролик жамияти ривожлантириш консепцияси. И.Каримовнинг 2010 йил 12 ноябрда бўлган Олий Мажлис Қонунчилик палатаси ва Сенатининг қўшма мажлисидаги “Мамлакатимизда демократик ислоҳатларни янада чуқурлаштириш ва фуқаролик жамиятини ривожлантириш консепцияси” мавзусида қилган маърузаси амалга оширилган ислоҳатларни сарҳисоб қилиш ҳамда жамият ва давлат ҳаётининг барча соҳаларини янада ривожлантириш йўналишларини белгилаб олиш нуқтаи назаридан муҳим аҳамиятга эга бўлди. Концепсияда мамлакатимизда фуқаролик жамияти ва ҳуқуқий давлат барпо этиш борасида амалга оширилган ишлар таҳлил этилиб, бу йўналишдаги демократик ислоҳатларни янада чуқурлаштириш ва изчил давом эттириш бўйича долзарб вазифалар белгилаб берилди.
Концепсия 6 қисмдан иборат бўлиб, унда давлат ҳокимияти ва бошқарувини демократлаштириш, суд-ҳуқуқ тизими, ахборот соҳасини ислоҳ қилиш, ахборот ва сўз эркинлигини, сайлов ҳуқуқи эркинлигини таъминлаш ва сайлов қонунчилигини ривожлантириш, фуқаролик жамияти институтларини шакллантириш ва ривожлантириш, бозор иқтисодиётни либераллаштиришни янада чуқурлаштириш борасидаги муҳим вазифалар белгиланган.
Давлат ҳокимияти ва бошқарувини демократлаштиришга асосан Концепсиянинг 78, 89, 93, 96, 98-моддаларига ўзгартиришлар киритилиб, унга асосан Бош Вазир номзоди сайловларда (Олий Мажлис) энг кўп депутатлик ўринларини олган сиёсий партия ёки тенг миқдорда кўп ўрин олган сиёсий партиялар томонидан таклиф этилади. Президент тақдим этилган номзодни кўриб чиқиб 10 кун муддат ичида Олий Мажлис палаталари томонидан кўриб чиқиш ва тасдиқлаш учун таклиф этадиган бўлди.
Суд-ҳуқуқ тизимини ислоҳ қилиш соҳасида адвокатура институти такомиллаштирилди ва унинг мустақиллиги янада мустаҳкамланди. Жиноий жазоларни либераллаштириш муносабати билан жиноятлар таснифи ўзгартирилди. Санкция бериш ҳуқуқи судларга ўтказилди.
Ахборот соҳасини ислоҳ қилиш, ахборот ва сўз эркинлигини таъминлаш соҳасига оид 10 га яқин қонун ҳужжатлари қабул қилинди. “Давлат ҳокимияти ва бошқаруви органлари фаолиятининг очиқлиги тўғрисида”, “Телерадиоэшиттиришлар тўғрисида”, “Оммавий ахборот воситалари фаолиятининг иқтисодий асослари тўғрисида”, “Оммавий ахборот воситаларини давлат томонидан қўллаб-қувватлаш кафолатлари тўғрисида”ги қонунларни қабул қилиш белгиланди.
Фуқаролик жамияти институтларини шакллантириш ва ривожлантириш соҳасидаги бир қатор қонунларга ўзгартириш киритиш, Ўзбекистонда “Жамоатчилик назорати тўғрисида”ги, “Экологик назорати тўғрисида”ги қонун лойиҳасини ишлаб чиқиш зарурлиги таъкидланди.