Давлатчилик тарихи. Маъруза матни 3-курс 1-Мавзу. Сўнги ўрта асрларда Ўзбек хонликлари

Восе бошчилигида 1885 й. июлда Балжувон беклигида бўлган қўзғолоннинг сабаби, солиқ йиғувчилар ўтган камҳосил, очарчилик йиллар учун ҳам хирож тўлашни талаб қилиши эди. Деҳқонлар Июль охирида амир Музаффар лашкаридан енгилди. Кўлоб беклигидаги 1888 й. йирик деҳқонлар қўзғолонлари Помир чегара қўшинлари ёрдамида бостирилди; 1889 й. майда Калиф беклигида ҳам қўзғолон бўлиб ўтди.
Ҳунармандчилик ишлаб чиқаришининг асосий тармоқларидан бири гилам ва намат тайёрлаш бўлган. Бухоро гиламларига айниқса Россияда, шунингдек Ўрта Шарқ мамлакатлари, Туркистон бозорларида ҳам талаб катта эди. Ички ва ташқи бозорларда Бухоронинг ип-газлама матолари, кўнчилик, заргарлик, кумуш ва олтин кандакорлик буюмлари, бўёқ ва совун маҳсулотлари ҳам машҳур бўлган. Бухоро усталари ясаган олтин ва кумуш буюмлари айниқса донг таратган; Амирликнинг деярли барча шаҳарларида заргарлар устахоналари мавжуд эди. Кулолчилик буюмлари бозори ҳам чаққон эди; кулоллар бутун амирлик шаҳарларида кенг тарқалган эди.
Бухоро ХIХ аср охирида Россия, Афғонистон, Ҳиндистон, Эрон ва Кавказ билан савдо қилган. Россия фирмаларининг идора ва омборхоналари Бухоро, Чоржўй, Карки, Термиз, Когон (Янги Бухоро)да бўлган; Россия ва Бухоро ўртасида товар айланиши йил сайин ошиб борди. Россия ва Афғонистон ўртасидаги барча савдо йўллари Бухоро амирлиги орқали ўтарди; Россия Афғонистонга катта миқдорда мовут, чинни буюмлар, бахмал, чит, гугурт ва керосин чиқарар эди.
Амирлик ҳудуди орқали 1887 й. дастлабки темир йўл ўтказилди; Бухородан 15 км. масофада Янги Бухоро станцияси қурилди; бу ерда амир саройи ва Россия сиёсий агентининг қароргоҳи барпо этилди. Бухоро амирлиги темир йўл орқали Тошкент, Оренбург ва Москва билан боғланди; Бухоро амирлиги ҳудудида 1888 й. рус қишлоқлари вужудга кела бошлади. Бухорода Россия давлат банки бўлими очилди, 2 та пахта тозалаш заводи, 2 та Европача меҳмонхона барпо этилди. Эски Бухородаги қўшбеги уйи ва Россия сиёсий агентлиги қароргоҳи илк пайдо бўлган телефон алоқаси билан боғланди.
Стихияли - уюшмаган, тўғри ташкил этилмаган ҳаракат. Нотариал ишлар (лот.-котиб) - юридик ва бошқа ҳужжатларни тасдиқлаш.