Давлатчилик тарихи. Маъруза матни 3-курс 1-Мавзу. Сўнги ўрта асрларда Ўзбек хонликлари

Ўзбекистон Республикаси мустақиллигининг эълон қилиниши. Ўзбекистон ҳали Иттифоқ таркибида бўлиб, СССРнинг конфедратив давлатга айланишига кўпчилик умид қилиб турган маҳалда муҳим сиёсий воқеа юз берди. Ўзбекистон ўзини СССРдан мустақил деб эълон қилди. 1991 йил 31 августда Ўзбекистон Республикаси Олий Кенгашининг 12-чақириқ навбатдан ташқари VI сессиясида Ўзбекистон Республикасининг Давлат мустақиллиги тўғрисида президент Ислом Каримовнинг маърузаси тингланди. Сессияда “Ўзбекистон Республикасининг Давлат мустақиллиги асослари тўғрисида” Қонун қабул қилинди. Мазкур қонун 17 моддадан иборат бўлиб, унда суверен Ўзбекистон Республикасининг асосий белгилари аниқлаб берилди.
Халқимизнинг мустақилликка эришишдек асрий орзуси рўёбга чиқди. Россия империяси ва СССРнинг 125 йил давом этган мустамлакачилик даврига чек қўйилди. Ўзбек халқининг муқаддас ва тарихий орзуси ушалиб, Ўзбекистон Республикаси тинч парламент йўли билан ўзининг мустақил давлатчилигига қайта эришди. Бу нодир воқеа камида 3500 йиллик ўтмишга эга ўзбек халқи ва давлатчилиги тарихига зарҳал саҳифалар бўлиб ёзилди. Мустақиллик халқимизнинг ХХ асрда эришган энг юксак ютуғи, аждодларимиз тўккан қутлуғ ва табаррук қоннинг маҳсули ҳисобланади.

• 
  Референдум (лот.- хабар берилиши зарур бўлган нарса) – давлат аҳмиятига эга бўлган муҳим масалалар бўйича ўтказиладиган ва баъзан қонунлар қабул қилиш учун асос бўлиб хизмат қиладиган умумхалқ сўрови, овоз бериш йўли билан халқ фикрини аниқлаш.
  
• 
  Вице-президент (лот. vice - ўрнига) – “ўринбосар”, “ёрдамчи” деган маъноларни англатувчи биринчи таркибий қисм. Вице-президент – президент ўринбосари.
  
• 
  Деклорация (маълум қиламан) – ҳукуматнинг, бирор ташкилотнинг муҳим бир ҳужжатни, қонунни, воқеани кўпчилик эътиборига етказувчи баёноти.
  

6-мавзу. Мустақилликнинг эълон қилиниши ва Ўзбекистонда
ижтимоий-сиёсий ислоҳатларнинг бошланиши
1-машғулот