Давлат ва жамият қурилиши ҳамда ижтимоий-сиёсий соҳадаги ислоҳотлар бўйича саволлар

60. Сўнгги йилларда Ўзбекистонда давлат бошқаруви тизимида катта ўзгаришлар содир бўлди. Мазкур ислоҳотлар учун қандай тамойиллар асос қилиб олинди?
Ўзбекистон Республикаси Президенти Шавкат Мирзиёев ташаббуси билан давлат бошқаруви ва ҳокимияти органлари, хўжалик идораларининг халқ билан бевосита мулоқотда бўлиши, аҳолининг барча қатлами ичига кириб бориши ва уларни ўйлантираётган муаммоларни ўз вақтида ҳал этилиши масаласига алоҳида эътибор қаратилмоқда. Ҳаракатлар стратегиясида “Халқ давлат идораларига эмас, давлат идоралари халқимизга хизмат қилиши керак” деган тамойил турмушимизга тўлақонли татбиқ этилмоқда.
Давлат бошқарувида инсон ҳуқуқ ва манфаатларининг устуворлиги, ҳокимиятлар тақсимланиши, қонун устуворлиги, давлат бошқарувига халқ оммаси ҳамда фуқаролик жамияти институтларини кенг жалб этиш, давлат бошқаруви органлари фаолиятининг ошкоралиги ва очиқлиги каби тамомойиллар асос қилиб олинди. Давлат бошқарув аппарати фаолиятининг қонунчилик, ҳуқуқий базасини замонавий талаблар асосида такомиллиштириб борилмоқда.
Бугун мамлакатимизда ҳар бир инсонга бахтли бўлиб, ҳаётдан рози яшаш учун тенг имконият яратилмоқда, тадбиркорлик фаолиятига асоссиз аралашувлар, турли бюрократик тўсиқлар бартараф этилмоқда. Ўзбекистон Республикаси Президенти Шавкат Мирзиёев таъкидлаганидек бизнинг бош мақсадимиз — халқимизнинг розилиги, барча бўғиндаги раҳбар ва мутасаддилар, депутат ва сенаторлар, бутун давлат идораларининг фаолиятига берилган энг олий ва энг адолатли баҳодир. Агар халқ биздан рози бўлса, Яратган ҳам рози бўлади.
“Фуқаролар эмас, ҳужжатлар ҳаракатланади” тамойили бўйича Ўзбекистон Республикаси Президенти Шавкат Мирзиёевнинг 2017 йил
12 декабрдаги “Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида”ги ПФ-5278-сон Фармони асосида Адлия вазирлиги ҳузуридаги Давлат хизматлари агентлиги ташкил этилиб, тадбиркорлик субъектларига “ягона дарча” тамойили бўйича давлат хизматлари кўрсатиш ягона марказлари Давлат хизматлари марказларига айлантирилди.
Давлат хизматлари кўрсатиш механизмини, энг аввало, ортиқча тартиб-таомилларни бартараф этиш, ваколатли давлат органлари ва бошқа ташкилотлар зарур ҳужжатлар ва ахборотларни бошқа тузилмалардан мустақил равишда олишбелгиланди.