Davlat va huquq nazariyasidan mantiqiy savollarga javoblar

Аниқ - социологик метод – давлат ва ҳуқуқ масалаларини
давлат идоралари фаолияти, давлат ва жамият бошқарувини ҳуқу-
қий тартибга солиш йўлларини реал ҳаёт билан боғлаб ўрганиш
усулидир. Аниқ – социологик метод қуйидаги илмий-амалий
усуллардан фойдаланади: ёзма ёки оғзаки сўров (анкета) ўтказиш,
жамоатчилик фикрини аниқлаш ва таҳлил қилиш, статистик
маълумотлар ва ҳужжатларни (архив материалларини) таҳлил
этиш, кузатув олиб бориш, суҳбат, тажриба ўтказиш ва бошқалар.
Аниқ-социологик методнинг маъноси шундаки, илмий
таҳлилнинг бу усулида юридик амалиёт, ҳуқуқий ҳаётнинг муҳим
жиҳатлари, давлат ва ҳуқуқ институтларининг амал қилиши
ҳақида ҳаққоний маълумотлар (ахборот) тўплаш, таҳлил этиш ва
қайта ишлаш амалга оширилади.
Статистик – математик метод – юқоридаги аниқ – со-
циологик метод билан чамбарчас боғлиқ бўлиб, суд амалиёти,
ҳуқуқни муҳофаза қилиш органлари фаолиятига оид амалиёт,
бошқа давлат идоралари фаолиятидан келиб чиқадиган статистик
маълумотларни умумлаштириш орқали ижтимоий тараққиётнинг
ҳаётий жараёнларини холис аниқлаш ва баҳолаш усули ҳисоб-
ланади. Ҳуқуқий ҳодисаларни, муайян тарихий даврдаги матема-
тик ва геометрик ҳолатларни ўрганиш, таҳлил этиш ҳам ушбу
метод доирасига киради.
Статистика – бу рақамли ҳисоб – китоб юритиш асосида
маълумотлар тўплаш, уларни таҳлил этиш, баҳолаш ва мантиқий-
илмий хулоса чиқариш илмидир. Бунда миқдорий кўрсаткичлар
илмий таҳлилнинг объекти ҳисобланади. Миқдорий маълумотлар
давлат ва ҳуқуқ ҳодисалари тараққиётининг нисбий барқарор
тенденцияларини ўзида ифода қилгани ҳолда, уларнинг тараққиёт
йўналишларини белгилаш ва баҳолашга, стратегик ва тактик
аҳамиятга молик жиҳатларини аниқлашга ёрдам беради. Рақамли
маълумотлар давлат ва ҳуқуқнинг ҳолати, динамикаси ҳамда ри-
вожланиш тенденцияларини объектив ифодалайди.
. Давлат ва ҳуқуқ институтларининг ҳолати
ва ривожланиши ҳақидаги миқдорий кўрсаткичлар тегишли
социологик таҳлиллар ўтказишда қўл келади.