Давлат-ҳуқуқий фанлар кафедраси томонидан 2020/2021 ўқув йили баҳорги семестрида ўтиладиган Маъмурий процессуал ҳужжатлар модулидан тайёрланган якуний назорат учун

Давлат-ҳуқуқий фанлар кафедраси томонидан 2020/2021 ўқув йили баҳорги семестрида ўтиладиган Маъмурий процессуал ҳужжатлар модулидан тайёрланган якуний назорат учун
КАЗУСЛАР

№	Маъмурий процессуал ҳужжатлар
	ЯН учун казуслар	ЯН учун казус тайёрлаган профессор-ўқитувчининг Ф.И.Ш.	Мавзу
	Тошкент шаҳар Шайхонтоҳур тумани “Шайхонтоҳур” маҳалласида истиқомат қилувчи фуқаро С.Исмоилова 2017 йил 10 март куни бола парвариши бўйича нафақа олиш учун фуқароларнинг ўзини ўзи бошқариш органи раиси номига ариза берди. Ариза берувчининг эҳтиёжмандлиги даражасини аниқлаш ва болали оилаларга нафақа, бола парвариши бўйича нафақа ва моддий ёрдам тайинлаш (рад этиш) тўғрисида хулоса чиқариш учун “Шайхонтоҳур” маҳалласи фуқароларнинг ўзини ўзи бошқариш органида ташкил этилган махсус комиссия С.Исмоилованинг аризасини тегишли тартибда ўрганиб чиқди. Махсус комиссия ариза берувчининг яшаш жойига чиққан ҳолда оиланинг моддий ва мулкий ҳолатини ўрганиб чиқиб, 2017 йил 23 март куни тегишли далолатнома тузди. Далолатномага С.Исмоиловага бола парвариши бўйича нафақа тўлашни рад этиш юзасидан хулоса киритилди. 2017 йил 24 март куни фуқароларнинг ўзини ўзи бошқариш органи ваколат берган Комиссия махсус комиссиянинг хулосаси асосида С.Исмоиловага бола парвариши бўйича нафақа тўлашни рад этиш ҳақида қарор қабул қилди ва буни тегишли баённома билан расмийлаштирди. 2017 йил 28 март куни С.Исмоилова маъмурий судга комиссия қароридан норози бўлиб аризаси тақдим этди. Бироқ, шикоят фуқароларнинг ўзини ўзи бошқариш органи ваколат берган Комиссияга қаратилгани сабабли низо маъмурий судга тааллуқли эмаслиги айтилиб суд томонидан аризасини қабул қилиш рад этилди.