Давлат-ҳуқуқий фанлар кафедраси томонидан 2020/2021 ўқув йили баҳорги семестрида ўтиладиган Маъмурий процессуал ҳужжатлар модулидан тайёрланган якуний назорат учун

Ушбу вазият билан тўлиқ танишиб, қандай процессуал ҳужжат қабул қилиниши зарурлигини аниқланг ва ушбу процессуал ҳужжат (камида 1 та) намунасини тайёрланг.	Д.Артиков
4-мавзу
	2017 йил 20 сентябрь куни аризачи фуқаро Д.Олимов маъмурий суднинг ҳал қилув қароридан норози бўлиб Тошкент шаҳар маъмурий судига апелляция тартибида шикоят қилди. Аризада келтирилишича, аризачи Д.Олимов 2010 йилнинг июнь ойидан 2017 йилнинг 1 августига қадар III гуруҳ ногиронлик пенциясини олиб келган. 2017 йилнинг январь-май ойларида соғлиғи ёмонлашган Д.Олимов 2017 йил тиббий-меҳнат эксперт комиссиясига мурожаат қилиб ногиронлик гуруҳини қайта кўриб чиқиб, III гуруҳдан II гуруҳга ўтказилишини сўраган. Д.Олимовнинг мурожаати ўрганиб чиқилиб, унинг ногиронлик гуруҳи ўзгартирилмаган. Бундан норози бўлган Д.Олимов судга мурожаат қилган. Ишни биринчи инстанция судида кўриб чиқиш жараёнида меҳнат комиссиясининг вакили В.Саттаров иштирок этиб, комиссиянинг бундай қарорга келишига сабаб Д.Олимовнинг соғлиғи текширувдан ўтказилганда унинг ногиронлик гуруҳини ўзгартиришга сабаб бўладиган биронта ҳолат кузатилмагини айтиб ўтган. Суд В.Саттаровнинг кўрсатмалари асосли эканини аниқлаш мақсадида Д.Олимовнинг соғлиғини қайта текширувдан ўтказишни жоиз деб топган. Ишга эксперт жалб этилган. Эксперт Д.Олимовнинг соғлиғида унинг ногиронлик гуруҳини ўзгартишга сабаб бўладиган жиддий ўзгаришнинг мавжуд эмаслигини тасдиқлаган. Натижада суд Д.Олимовнинг талабини қаноатлантиришни рад этган. Иш апелляция инстанциясида кўриб чиқилиш жараёнида судга экспертнинг муқаддам Ўзбекистон Республикаси жиноят кодексининг 168-моддасида назарда тутилган жиноят билан судлангани маълум бўлди. Шу муносабат билан Д.Олимовнинг ҳимоячиси Ш.Умаров суддан биринчи инстанция судининг ҳал қилув қарорини бекор қилиб, Д.Олимовнинг шикоятини қаноатлантиришни сўраган.