Давлат-ҳуқуқий фанлар кафедраси томонидан 2020/2021 ўқув йили баҳорги семестрида ўтиладиган Маъмурий процессуал ҳужжатлар модулидан тайёрланган якуний назорат учун

Ушбу вазият билан тўлиқ танишиб, қандай процессуал ҳужжат қабул қилиниши зарурлигини аниқланг ва ушбу процессуал ҳужжат (камида 1 та) намунасини тайёрланг.	Д.Артиков
1-мавзу
	2017 йил 28 сентябрь куни Тошкент шаҳар Олмазор туман ҳокимининг қароридан норози бўлган фуқаро С.Мардонов маъмурий судга ариза билан мурожаат қилди. Олмазор туман маъмурий судининг раиси судья М.Комиловни фуқаро С.Мардоновга тегишли бўлган маъмурий ишни кўриб чиқиб ҳал этишни топширди. С.Мардонов 2000-2006 йилларда адвокат ва 2007-2016 йилларда Тошкент давлат юридик университетида ўқитувчи лавозимида ишлаган эди. С.Мардоновга тегишли маъмурий ишни иш юритувига қабул қилиш ҳақидаги қарор қабул қилинмасдан олдин судья М.Комиловга С.Мардонов унга университетда дарс берган ўқитувчи бўлгани маълум бўлди. Бундан бохабар бўлган ва ишнинг холис ва беғараз кўриб чиқилишига шубҳа қилган жавобгар тараф – Олмазор тумани ҳокимиятининг вакили ишни мазмунан кўриб чиқиш жараёнида судьяни рад этиш ҳақида арз қилди. Суд раиси ишни бошқа судьялардан бирига бириктирмоқчи бўлганда қолган барча судьялар ҳам С.Мардонов қўлида таҳсил олган талабалар бўлганликлари аён бўлди. Суд раиси С.Мардоновга тегишли маъмурий ишнинг холис ва беғараз кўриб чиқилишига шубҳа уйғонмаслиги учун ундан аризасини қайтариб олишни ва уни юқори турувчи маъмурий судга киритишни сўради. Ушбу вазият билан тўлиқ танишиб, қандай процессуал ҳужжат қабул қилиниши зарурлигини аниқланг ва ушбу процессуал ҳужжат (камида 1 та) намунасини тайёрланг.	Д.Артиков	1-мавзу
	Тошкент шаҳар, Н.кўчасидаги 54-уй фуқаро С.Раҳмоновга тегишли бўлиб, у 2011 йил 15 апрелда вафот этган. Унинг вафотидан кейин қолган юқорида кўрсатилган мол-мулкка нисбатан меросхўрлар топилмаганлиги сабабли, мазкур хонадон қаровсиз қолиб кетган. 2017 йилнинг август ойида шаҳар ҳокимлиги вакили иштирокида ўтказилган маҳалла фуқаролар йиғини мажлисида С.Раҳмоновга тегишли бўлган уйнинг анча вақтдан буён қаровсиз ҳолда экани айтилди. Бундан бохабар бўлган шаҳар ҳокими С.Раҳмоновга тегишли бўлган уйни эгасиз мулк деб топиш ҳамда уни давлат ҳисобига ўтказиш ҳақида қарор қабул қилди. Тошкент шаҳар ҳокимининг қароридан норози бўлган фуқароларнинг ўзини ўзи бошқариш органи раиси маъмурий судга ариза билан мурожаат қилди. Тошкент шаҳар маъмурий суди аризани ўрганиб чиқди ва унда келтирилган важлар бевосита фуқаролик ҳуқуқига тегишли бўлгани сабабли ишни маъмурий суднинг судловига тааллуқли эмас деб ҳисоблаб аризани қабул қилиб олишни рад этди.