Давлат-ҳуқуқий фанлар кафедраси томонидан 2020/2021 ўқув йили баҳорги семестрида ўтиладиган Маъмурий процессуал ҳужжатлар модулидан тайёрланган якуний назорат учун

Ушбу вазият билан тўлиқ танишиб, қандай процессуал ҳужжат қабул қилиниши зарурлигини аниқланг ва ушбу процессуал ҳужжат (камида 1 та) намунасини тайёрланг.	М.Болтаев
8-мавзу
	Фуқаро Миршод Аброрович Содиқов 2017 йил 28 август куни маъмурий судга туман ФҲДЁ ходимларининг ноқонуний хатти-ҳаракатлари устидан шикоят қилди. Аризада келтирилишича, М.Содиқовнинг отаси Содиқов Аброр Йўлдошевич 2017 йил 4 февраль куни вафот этган. Отаси Ромитан туманида фаолият юритувчи автоуловлар учун мой ишлаб чиқарувчи “Light Oil” МЧЖда устав фонди таъсис ҳужжатлари билан белгиланган 40% миқдорда улушга эга бўлган. А.Содиқовнинг вафотидан сўнг мерос очилиб, унинг 2 нафар фарзанди қонун бўйича меросхўрлар сифатида чақирилган. Кичик ўғил С.Содиқов меросдан воз кечган. Натижада М.Содиқов мерос очилган жойдаги, яъни Бухоро вилояти Ромитан туманида жойлашган нотариусга “Light Oil” МЧЖда устав фонди таъсис ҳужжатлари билан белгиланган 40% миқдордаги улушга нисбатан меросга бўлган ҳуқуқ тўғрисида гувоҳнома беришни илтимос қилди. Нотариус М.Содиқов томонидан тақдим этилган отасининг ўлим гувоҳномасида отасининнг исми Содиқов Аброр Йўлдошевич эмас, Содиқов Аҳрор Йўлдошевич деб ёзилгани аниқланган. Нотариус мазкур шахслар айни бир шахс экани борасида шубҳага бориб М.Содиқовга меросга бўлган ҳуқуқ тўғрисида гувоҳнома беришни рад этган. Натижада М.Содиқов туман ФҲДЁ органига отасининг ўлими ҳақидаги далолатномага тегишли ўзгартишлар киритишни сўраб мурожаатқилишни сўраган. Аммо, ўлим ҳақидаги далолатномага тегишли ўзгартишлар киритиш рад этилган. Суд М.Содиқовнинг талабини қаноатлантиришни рад этди. Суд ҳал қилув қарорида М.Содиқов зиммасига суд харажатларини ундириш ҳақида қарор қабул қилган. Суднинг ҳал қилув қарори устидан М.Содиқов юқори турувчи судга апелляция тартибида шикоят қилди. Суд ҳал қилув қарорини тўлиқ бекор қилган ҳолда янги ҳал қилув қарорини қабул қилди. Янги ҳал қилув қарорида иш апелляция тартибида кўриб чиқиш жараёнида қилинган харажатларни ФҲДЁ органи зиммасига юклашга қарор қилди. М.Содиқов шикоят аризасида биринчи инстанция судида қилган суд харажатларини ҳам ФҲДЁ органи зиммасига юклашини илтимос қилиб янги қабул қилинган суд қарорига ўзгартиш киритишни сўради.