Davlat tili haqida

So’zlovchi xotirasida, so’z yasash qoliblari va ularning ma’nolari haqida ko’nikmaning mavjud bo’lishi har qanday yangi yasalmaning oson tushunilishiga imkon beradi.
So’z yasash qoliblari va ularning ma’nolari bir xil yasovchi qo’shimchali so’zlarni ma’lum uyalarga birlashtirish asosida aniqlanadi.
Masalan:
traktorchi yig’la binokor
kombayinchi sizla g’alakor
suvchi qo’lla paxtakor
ekskovatirchi oqla o’ymakor
tikuvchi ishla sholikor
So’z yasalishining tarkibi. So’z yasalishi hodisasi o’zining ichki tuzilishiga ega bo’lib – ikkita tarkibiy qismni o’z ichiga oladi: a) yasovchi asos; b) yasovchi qo’shimcha
Ushbu ikki qism birgalikda yasalmani tashkil qiladi. Masalan, ishchi-yasalma, ish-asos,-chi- yasovchi vosita bo’ladi. Agar so’zlarda birdan ortiq yasovchi qo’shimchalar ishtirok etsa, eng oxirgi qo’shimcha yasovchi qo’shimcha hisoblanadi, oldingilari esa yasashga asos qism tarkibiga kiradi: terimchi – yasalma, terim yasovchi asos, chi – yasovchi qo’shimcha:
Bilib oling! Morfemik tarkibni so’z yasalishi tarkibidan farqlash lozim: So’zning morfemik tarkibi so’z yasovchi qo’shimchalarni ham, shakl yasovchilarni ham o’z ichuga oladi. So’z yasalishi esa, faqat yasovchi asos va yasovchi vositanigina o’z ichiga oladi.