Darsning texnologik xaritasi mavzu

Darsning rejasi:

1. 
   Ot so'z turkumi va uning mazmuniy guruhlari.
   
2. 
   Shaxs otlari.
   
3. 
   Narsa-buyum otlari.
   
4. 
   O'rin-joy otlari.
   
5. 
   Otlarning birlik va ko'plikda ishlatilishi.
   

Darsning jihozi: mavjud ko'rgazmali qurollar, turli kasb egalari-ning portretlari, joylarning tasvirlari.

DARSNING BORISHI:

1.Tashkiliy qism:

a)salomlashish

b)davomatni aniqlash

d) she’riy daqiqalar

2. Uy vazifasini so’rash va baholash.

3.Mustahkamlash.

Savol va topshiriqlar

1. Mustaqil so'zlar deb qanday so'zlarga aytiladi?

2. Yordamchi so'zlar deganda nimani tushunasiz?

3. Uchta yordamchi so'z topib, uni gap ichida keltiring.

YANGI DARSNING BAYONI

O'qituvchi darsni o'quvchilarga ot mavzusi ostida berilgan uchta topshiriqni bajartirishdan boshlaydi. Turli xil so'zlarni aytib, ularning ichidan kim? nima? qayer? so'roqlariga javob bo'ladiganlariga e'tiborni qaratadi. Ularni uch guruhga bo'ladi.

1. 
   Shaxs otlari: binokor, darvozabon, fazogir, qizcha, bola.
   
2. 
   Narsa-buyum otlari: piyola, olma, radio, kasseta, kitob.
   
3. 
   O'rin-joy otlari: gulzor, toshloq, dala, Dashnobod, Nurota. Otlarning shaxs, narsa-buyum va o'rin-joy nomini bildirishini, kim?
   

nima? qayer? so'roqlariga javob bo'lishini ta'kidlaydi.

Shaxs, narsa-buyum,-joy nomlarini bildirib, kim?, nima?, qayer? so'roqlariga javob bo'luvchi mustaqil so'zga ot deyiladi. Otlar son, egalik va kelishik qo'shimchalari bilan qo'llanadi. Gapda otlar bosh va ikkinchi darajali bo'lak, shuningdek, undalma vazifasida keladi.

Otlar birlik va ko'plik sonda qo'llanadi. Ko'plik otlarga -lar qo'shimchasini qo'shish bilan hosil bo'ladi. Masalan: bola- birlik sonda, bolalar- ko'plik sonda.