Darsliklar asosida davlat va huquq

Ma’muriy javobgarlik to‘g‘risida Kodeksning quyidagi moddasini asos qilib olamiz
52-modda. Yengil tan jarohati yetkazish
Ehtiyotsizlik orqasida yengil tan jarohati yetkazish —
bazaviy hisoblash miqdorining bir baravaridan ikki baravarigacha miqdorda jarima solishga sabab bo‘ladi.
Qasddan yengil tan jarohati yetkazish, bu harakat sog‘liqning qisqa muddat yomonlashuviga yoki mehnat qobiliyatini uncha ko‘p davom etmaydigan turg‘un tarzda yo‘qotishga olib kelmagan bo‘lsa,
bazaviy hisoblash miqdorining ikki baravaridan to‘rt baravarigacha miqdorda jarima solishga sabab bo‘ladi.


21-vaziyat.
A., K. va B. ismli shaxslar (barchasi 16 yosh)o‘rmonga dam olishga chiqdilar. Ular gulxan yoqishdi va unga ko‘plab yangi kesilgan daraxt shoxlarini tashlashdi.
Tez orada olovni boshqarib bo‘lmay qoldi va shamol ta’sirida u o‘rmon sathida tez tarqala boshladi. Buning natijasida tabiatga ko‘p miqdorda zarar yetkazildi.
Ma’muriy javobgarlik to‘g‘risidagi Kodeksning quytidagi moddasini asos qilib olamiz.
77-modda. O‘rmon fondi yerlaridan foydalanish qoidalarini buzish
Tegishli ruxsat olmay turib imorat solish, yog‘ochni qayta ishlash, omborlar va boshqa inshootlar qurish maqsadida o‘rmon fondi yerlaridagi daraxtni kundakov qilish, o‘rmon fondi yerlarida pichanzorlar va yaylovlarni shikastlantirish, o‘zboshimchalik bilan pichan o‘rish, drenaj tizimlarini va yo‘llarni yo‘q qilish yoki shikastlantirish —
fuqarolarga bazaviy hisoblash miqdorining uchdan bir qismidan bir baravarigacha, mansabdor shaxslarga esa — bir baravaridan uch baravarigacha miqdorda jarima solishga sabab bo‘ladi.
Xuddi shunday huquqbuzarliklar ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, —
fuqarolarga bazaviy hisoblash miqdorining bir baravaridan uch baravarigacha, mansabdor
O‘rmon fondi yerlarida chorva mollarini o‘tlatish qoidalarini buzish, —
fuqarolarga bazaviy hisoblash miqdorining uch baravaridan besh baravarigacha, mansabdor shaxslarga esa — besh baravaridan o‘n baravarigacha miqdorda jarima solishga sabab bo‘ladi.
Ushbu moddaning uchinchi qismida nazarda tutilgan huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, —
fuqarolarga bazaviy hisoblash miqdorining besh baravaridan o‘n baravarigacha, mansabdor shaxslarga esa — o‘n baravaridan yigirma baravarigacha miqdorda jarima solishga sabab bo‘ladi.

22-vaziyat.
Voyaga yetmagan N. ismli shaxs ishlab chiqarish korxonasidan chiqarilgan chiqindilarni belgilangan o‘raga to‘kmasdan, yaqin yerdagi suv havzasiga to‘kib yuborishi qishloqda odamlar orasida yuqumli kasallik epidemiyasining tarqalishiga sabab bo‘ldi, shuningdek chorva mollarining ham kasallanishiga olib keldi.
Ma’muriy javobgarlik to‘g‘risida Kodeksning quyidagi moddasini asos qilib olamiz