Darsliklar asosida davlat va huquq

Ob’ektiv tomondan pora olish mansabdor shaxsning o’z xizmat mavqeidan foydalangan holda sodir etishi lozim yoki mumkin bo‘lgan muayyan harakatni pora berayotgan shaxsning manfaatlarini ko’zlab bajarishi yoki bajarmasligi evaziga shaxsan o’zi yoki vositachi orqali qonunga xilof ekanligini bila turib, moddiy qimmatliklar olishi yoxud mulkiy naf ko’rishida ifodalanadi.
Jinoyat ob’ekti – davlat hokimiyati va boshqaruv organlari faoliyatining o’rnatilgan tartibi
14-vaziyat.
Termiz shahar IIB navbatchilik qismiga shahardagi bozorlarning birida joylashgan savdo do‘koniga notanish bir qiz kelib, o‘zini xaridordek tutib, uni hech kim kuzatmayotganiga ishonch hosil qilgach,do‘kon rastasida turgan 295 000 so‘mlik 3 dona ayollar ko‘ylagini o‘g‘irlab ketganligi haqida xabar kelib tushadi. Berilgan vaziyatlarni tahlil qiling. Ularning o‘xshash va o‘ziga xos tomonlarini aniqlang.
2. Ulardagi jinoyatlarning belgilarini, obyekti va subyektini,obyektiv va subyektiv tomonlarini aniqlang.
3. Bu voqealarning jamiyat rivojiga qanday ta’siri bor? Ularning oldini olish mumkinmidi? Jinoyat Kodeksi 169-modda. O‘g‘rilik
O‘g‘rilik, ya’ni o‘zganing mol-mulkini yashirin ravishda talon-toroj qilish
bazaviy hisoblash miqdorining ellik baravarigacha miqdorda jarima yoki uch yuz oltmish soatgacha majburiy jamoat ishlari yoki ikki yilgacha axloq tuzatish ishlari yoki bir yildan uch yilgacha ozodlikni cheklash yoxud uch yilgacha ozodlikdan mahrum qilish bilan jazolanadi.
O‘g‘rilik:
a) jabrlanuvchining kiyimi, sumkasi yoki boshqa qo‘l yukidagi ashyoga nisbatan (kissavurlik);
b) ancha miqdorda;
v) bir guruh shaxslar tomonidan oldindan til biriktirib;
g) uy-joy, omborxona yoki boshqa xonaga g‘ayriqonuniy ravishda kirib sodir etilgan bo‘lsa, —
bazaviy hisoblash miqdorining uch yuz baravarigacha miqdorda jarima yoki ikki yildan uch yilgacha axloq tuzatish ishlari yoki uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.
O‘g‘rilik:
a) takroran yoki xavfli retsidivist tomonidan;
b) kompyuter tizimiga ruxsatsiz kirib;
v) ko‘p miqdorda;
g) neft quvurlarida, gaz quvurlarida, neft va gaz mahsulotlari quvurlarida sodir etilgan bo‘lsa, —
besh yildan sakkiz yilgacha ozodlikdan mahrum qilish bilan jazolanadi.
O‘g‘rilik:
a) juda ko‘p miqdorda;
b) o‘ta xavfli retsidivist tomonidan;
v) uyushgan guruh tomonidan yoki uning manfaatlarini ko‘zlab sodir etilgan bo‘lsa, —
sakkiz yildan o‘n besh yilgacha ozodlikdan mahrum qilish bilan jazolanadi.
O‘g‘rilik jinoyatining oby’ekti o‘zganing mulkidir.Ob’yektiv tomon O‘g‘rilik o‘zganing mulkini yashirin ravishda talon-taroj qilishda ifodalanadi.Sub’yektiv tomondan O‘g‘rilik to‘g‘ri qasd.
15-vaziyat.
Tunda soat to‘rt yarimlar atrofida Farg‘ona viloyatining Qo‘shtepa tumanida uch nafar noma’lum shaxs yuzlariga niqob kiygan va pichoq bilan qurollangan holda, Yangiariq mahalla fuqarolar yig‘ini hududidagi xonadonlarning biriga devor orqali oshib tushib, xonadon egasi G‘.Y. va uning turmush o‘rtog‘i S. Y.lar uxlab yotgan xonaga bostirib kiradilar.Uy egalari uyg‘onib qolganlarida G‘.Y.ni urib, tan jarohati yetkazadilar. S.Y. va ushbu xonadonda birga yashovchi qizi M.Y.ning qo‘l-oyoqlarini arqon bilan bog‘lab, xonadagi sandiq ichidan 10 mln so‘m pul va
1,5 ming AQSh dollarilik turli zargarlik buyumlarini olib ketadilar.Berilgan vaziyatlarni tahlil qiling. Ularning o‘xshash va o‘ziga xos tomonlarini aniqlang.
2. Ulardagi jinoyatlarning belgilarini, obyekti va subyektini,obyektiv va subyektiv tomonlarini aniqlang.
3. Bu voqealarning jamiyat rivojiga qanday ta’siri bor? Ularning oldini olish mumkinmidi?Jinoyat Kodeksining quyidagi moddalarini asos qilib olamiz.