Darsliklar asosida davlat va huquq

164-modda. Bosqinchilik
Bosqinchilik, ya’ni o‘zganing mol-mulkini talon-toroj qilish maqsadida hujum qilib, hayot yoki sog‘liq uchun xavfli bo‘lgan zo‘rlik ishlatib yoxud shunday zo‘rlik ishlatish bilan qo‘rqitib sodir etilgan bo‘lsa, —
besh yildan sakkiz yilgacha ozodlikdan mahrum qilish bilan jazolanadi.
Bosqinchilik:
a) qurol yoki qurol sifatida foydalanish mumkin bo‘lgan boshqa narsalarni ishlatib;
b) bir guruh shaxslar tomonidan oldindan til biriktirib;
v) ancha miqdordagi mulkni talon-toroj qilish bilan bog‘liq holda sodir etilgan bo‘lsa, —
sakkiz yildan o‘n yilgacha ozodlikdan mahrum qilish bilan jazolanadi.
Bosqinchilik:
a) takroran, xavfli retsidivist yoki ilgari ushbu Kodeksning 242-moddasida nazarda tutilgan jinoyatni sodir etgan shaxs tomonidan;
b) ko‘p miqdorda;
v) uy-joyga, omborxona yoki boshqa binolarga g‘ayriqonuniy ravishda kirgan holda;
g) badanga og‘ir shikast yetkazgan holda sodir etilgan bo‘lsa, —
o‘n yildan o‘n besh yilgacha ozodlikdan mahrum qilish bilan jazolanadi.
Bosqinchilik:
a) juda ko‘p miqdorda;
b) o‘ta xavfli retsidivist tomonidan;
v) uyushgan guruh tomonidan yoki uning manfaatlarini ko‘zlab sodir etilgan bo‘lsa, —
o‘n besh yildan yigirma yilgacha ozodlikdan mahrum qilish bilan jazolanadi.
16-vaziyat.
Farg‘ona viloyati Toshloq tumanida yashovchi fuqaro Sh. A.ning uyida maishiy gaz ballonidan ehtiyotsizlik bilan foydalanish oqibatida yong‘in sodir bo‘lib, yning 100 kv. metr maydonidagi tomi, shift qismi va uy jihozlari yonib zararlangan.
Fuqarolik Kodeksi 124-modda. Transportda yong‘in xavfsizligi qoidalarini buzish
Transportda belgilangan yong‘in xavfsizligi qoidalarini buzish —
fuqarolarga bazaviy hisoblash miqdorining ikkidan bir qismidan bir baravarigacha, mansabdor shaxslarga esa — bir baravaridan uch baravarigacha miqdorda jarima solishga sabab bo‘ladi.
17-vaziyat.
Namangan viloyatining Namangan shahrida haydovchi Sh.Q. boshqaruvida bo‘lgan GAZ-53 rusumli yuk avtomobilining gaz jihozlari nosozligi natijasida yong‘in sodir bo‘lgan. Yong‘in oqibatida haydovchi Sh.Q. va yo‘lovchi B.Q. tan jarohati olib, kasalxonaga joylashtirilgan.