Дарслик Бакалавриат йўналиши: 5140800-педагогика ва психология талабалари учун дарслик

Психологик стресс-одамнинг руҳий ҳолатига воқеаларни таъсири туфайли пайдо бўладиган стресс .
Психологик стресс информасион стресс ва емосионал стресс турларига ажралади.
Информасион стресс ахборотларни ҳаддан ташқари кўп қабул қилиш вазифаларни бажаришда бир қанча йечимлар бўлса-да, аниқ улардан қайси бирини танлаш юқори даражадаги шиддат билан қарор қабул қилишдаги иккиланиши натижасида келиб чиқиши мумкин. Ахборотларни ҳаддан ташқари кўп қабул қилиш оқибатида одам психикаси зўриқади (чарчайди) ва буйрак усти безларидан стрессли гармонлар кўп ишлаб чиқара бошлайди. Ҳаддан ташқари зўриқиш натижасида мияда тормозланиш юз беради ва оқибатда тангликка олиб келган ахборотгина мияда акс етаверади. Мия бошқа ахборотларни ташқи таъсирни қабул қила олмай қолади. Бу баъзи ҳолларда салбий ёмон оқибатларга олиб келиши мумкин. Мияда стрессга олиб келган ахборот тормозланиб, сақланиб қолганда танглик ҳолатининг юқори нуқтасига чиққанда танглик ҳолатидан чиқиб кетолмай ўз жонига қасд қилишгача олиб келиши мумкин.
Емоционал стресс-таъқиқ қилиш, фалокат, ҳаётий ўзгаришлар (оилавий можаролар, тўсатдан ишдан бўшатиш яқин кишисини йўқотиш, узоқ муддатли севгидан қутила олмаслик сабабли, хавф остида қолганда, атрофдагилар томонидан нотўғри муносабат қилинганда ва ҳоказоларда) кўринади.
Олимлар ўтказган тадқиқотлар шуни кўрсатадики, фалокат, ҳаётий ўзгаришлар, кундалик ташвишлар кўпроқ стресслар ҳисобланади.
Фалокат - бу нотинчлик, уруш, йер қимирлаш, сув тошқинлари, автоҳалокатлар ва ҳоказо. Буларнинг ҳаммаси инсон руҳий ҳолатига жуда катта салбий таъсир кўрсатади. Олимлар шуни таъкидлашадики, қаттиқ йер қимирлаши, сув тошқинлари, ёнғин бўлиши каби фалокатларнинг инсон руҳиятига катта таъсир кўрсатиши натижасида хавотирланиш даражаси юқори бўлиши кузатилади.
Ҳаётий ўзгаришлар - бу инсонни ҳаётида юз берадиган воқеа ва ҳодисалардир. Масалан, яқин кишисининг ҳалок бўлиши, кутилмаганда иш ўрнини йўқотиши, ажралишлар ва ҳоказо. Агарда инсон бир қанча инҳирозли вазиятни бошидан ўтказса, қаттиқ касалланиши ва ҳаттоки ўлимга ҳам олиб келиши мумкин.