Дала экинларининг асосий зараркунандалари

Кураш чоралари. Олча филчасига қарши қандай кураш олиб борилса, ўрик филчасига қарши ҳам ўшандай кураш олиб борилади. Суюқ дори ерда туриб сепилганда гектарига 2000-4000 л, самолётдан туриб сепилганда 150-250 л сарфланади. ДДТ ва гексахлоран дустлари гектарига 40-60 кг ҳисобидан сарфланади.


Пўстлоқ ости қўнғизлари
Scolytinae
Зарари. Кўпгина мева дарахтларига, айниқса данакли мева дарахтларига аксари олхўри ёки олма қўнғизи (Scoiytus mali Bechst.) ва буришган қўнғиз (Scoiytus ruulosus Ratz.) зарар етказади.
Олхўри қўнғизи билан буришган қўнғиз личинкалари дарахт шохларини ва баъзан бутун-бутун дарахтларни; катта ёшли қўнғизлар эса ёш новдаларни қуритиб қўяди. Боғ тўғри парвариш қилинмаганда (етарли суғормаслик ва ҳоказо) ҳамда илгари бошқа зараркунандалар тушганда қувватдан кетган дарахтларга пўстлоқ ости қўнғизлари айниқса қаттиқ зарар етказади.
Тарқалиши. Олхўри қўнғизи Марказий Осиё, Қозоғистон, Сибирь ва Европада, буришган қўнғиз. Марказий Осиё, Қозоғистон, Кавказ, Эрон, Сибир, Ўрта ва Жанубий Европада ҳамда шимолий Америкада учрайди.
Таърифи. Олхўри қўнғизининг катталиги 3,25-4,25 мм бўлиб, жигар ранг ёки тўқ жигар ранг, деярли қора туслидир; орқасининг олди қисми ва пастга тикка қайрилмайдиган қанотустликлари бор; боши юқоридан кўриниб туради; қорни қанотустликларининг учига қараб тикка қийшайгандир (орқасининг олди қисми, қанотустликлари ва қорнининг тузилиши жиҳатидан пўстлоқ ости қўнғизлари бошқа пўстлоқ куялардан (фарқ қилади), қўнғиз орқасининг олди қисмида майда юза нуқталар бўлади. Буришган қўнғиз олхўри қўнғизидан кичикроқ бўлиб, катталиги 2,0-2,5 мм келади, орқасининг олди қисмида чуқурроқ нуқталаридан ташқари бурмалари ҳам бор, қорни эса кўпроқ бўртиб чиққан. Пўстлоқ ости қўнғизларининг тухуми юмалоқ, оқ. Личинкалари узунлиги 4,5 мм гача боради, ранги сарғиш оқ; opқa томони ташқарига қайрилиб чиққан, оёқлари йўқ. Гавдасининг биринчи сегментлари кенгайган. Ғумбаклари оқ бўлиб, эркин туради.