Дала экинларининг асосий зараркунандалари

Кураш чоралари. Физик-механиқ чоралардан: эрта кўкламда буталган шох ва новдалар ёқилади, дарахтлар танаси тозаланиб, қуриган эски пўстлоқлари йўқ қилинади.
Барча кокцидаларга қарши кураш учун ишлатиладиган кимёвий чоралар: эрта кўкламда (куртаклар бўртгунча) 10 фоизли мой эмульсияси ёки (камроқ натижа берадигани) 5° ли оҳак-олтингугурт қайнатмаси ёки тоза урчуқ мойи пуркалади, бу дориларни самолётдан пуркаш ҳам мумкин. Сўнгги вақтда Калифорния қалқондори ва қуртларга қарши курашиш учун (Полевой, Шчигальцева), шунингдек бошқа баъзи кокцидаларга қарши кураш учун (Принц) қишда (куртаклар бўртгунча) карболинеумнинг 6-8 фоизли эмульсиясини пуркаб синаб кўриш ҳам яхши натижа берди.
Барг битларига қарши курашиш учун ишлатиладиган инсектицидлар ёзда кокцидаларга қарши курашиш учун ҳам ишлатилади. Аммо одатда кокцидаларга қарши курашда совун-анабазин ва совун-никотин эритмалари етарли натижа бермайди.
Дарахтлардаги кокцидаларни шу инсектицидлар билан батамом йўқ қилиш учун уларни тухумлардан ёш личинкалар чиқиб, ўрмалаб юрадиган қисқа бир даврдагина ишлатиш керак. Аммо бундай давр одатда турли кокцидалар учун аксари бир вақтда бошланмайди ва атига 2-3 кун давом этади. Ёз вақтида кокцидаларга қарши курашиш учун, 30 фоизли тиофос концентратининг 0,1 фоизли эмульсияси ҳам дарахтларга пуркалади.
Кокцидаларга қарши курашиш учун: боғнинг ҳар гектарига барги тўкилмаган уруғлик мева дарахтларига ердан туриб пуркалганда 2500-3600 л; қуртаги бўртмаган дарахтларга 1200-1500 л ва самолётдан туриб пуркалганда 100-110 л суюқ эритма сарфланади. Академик Р. Р. Шредер номидаги мева, узум ва виночилик институтипинг Самарқанд филиали томонидан (Романович ва Григорашенко) кейинги йилларда мева дарахтлари кўчатларини кокцидалардан тозалаш учун қаламча ва кўчатларни 30 % ли тиофос концентратидан тайёрланган эмульсияга ботириб олиш тавсия этилди. Бунда кўчат ва қаламчалар юқорида айтилган препаратнинг 1,2-3 % ли эмульсиясига 2 минутгача ботириб қўйилади.


Олма қандаласи