Д. Раҳматуллаева, У. Ходжаева, Ф. Атаханова

Кундалик кийимлар услуби
. 50-йилларда тайёр кийимлар ишлаб 
чиқариш бум
1
и бошланди, ва бу соҳада “Marks and Spenser” британ 
компанияси биринчилар қаторига чиқди. Америка ва француз модельерлари 
“Marks and Spenser”нинг услубини ўзлаштириб, худди уларники каби 
сифатли кийимларни пастроқ нархда ишлаб чиқаришга ҳаракат қилишган. 
Одри Хепберн кино актрисаси туфайли “кэжуал” (“casual”) номли услубнинг 
элегант қўриниши оммалашди: капри шимлари, қўлда тўқилган свитерлар ва 
“балетка”- туфлилар. Қулайлиги билан бир қаторда, назокатли бу услуб ўша 
давр модапараст аёллари дидига мос тушди. Ёзги гардеробда ранги енгил 
юбка билан уйғунлашадиган бикини пайдо бўлди. 
Аксессуарлар
. Шляпалар ўрнини рўмоллар эгаллай бошлади, кўп холда 
уларни ўрашган пайтда капалаксимон шаклдаги кўзойнаклар тақишган. 
Белдаги энли камарлар қоматни янада таъкидлаш учун хизмат қилган. 
Заргалик буюмлари ўрнига бижутерия тақилган, айниқса йирик узук ва 
билакузуклар оммабоп бўлган. 40-йилларнинг амалий жиҳатдан тежамкор ва 
ихчам пойафзали ўрнига бахмал ва тимсоҳ терисидан тикилган чиройли 
безакли, жозибали туфлилар келди. Оёқ кийим дизайнига ўзига хос 
ёндошгани учун Роже Вивье пойафзал дизайнерининг “балетка”лари ва 
баланд пошнали туфлилари 50-йилларда мисли кўрилмаган машҳурлик 
чўққисига чиққан. 
Эркаклар модаси
. Бу даврда эркаклар кийиниш услуби “Каламушлар 
галаси” таркибидаги каби кино ва эстрада юлдузлари таъсири остида 
шаклланди. Улар нафис костюм ва фетрли шляпалар кийишган. 
Эркакларнинг кундалик кийими кардиган ва енгил катак-катак матодан 
тикилган либосларни ўз ичига олган. 

---

142 
Эллигинчи йилларда “тедди-бой” деб номланган ёшлар суб-маданияти 
пайдо бўлди. Бу оқимнинг намоёндалари Эдуард VII нинг услубига ўхшаш 
тарзда, почаси тор “найча шим”, қалин кўйлак, ёрқин рангдаги бўйинбоғ-
галстук, зарбоф нимча, кўп чўнтакли, манжет ва адип қайтармаси бахмал 
ёки сирти ялтироқ сатиндан тикилган, тақилмаси бир қатор тугмачали 
сюртукларни олифталарча тақлид қилиб кийиб юришган. 
Кино актерларининг эркаклар модасига яна бир таъсири шундан иборат 
эдики, “Сабабсиз қўзғолончи” фильмидаги Джеймс Дин қаҳрамонининг 
азалдан эркаклар ич кийими ҳисобланган футболка модали трендга айланди. 
Бундан ташқари актер джинси костюмни ҳам оммалашувига сабаб бўлган. 
Марлон Брандонинг “Истаклар” номли трамвай” фильмидаги қаҳрамони эса 
тўқ рангдаги джинси-шим, танага ёпишиб турувчи тор футболка ва чарм 
куртка кийиб юриши билан барчанинг ёдида қолган. Кэри Грант туфайли эса 
силлиқ таралган сочлар оммалашди.