Д. Раҳматуллаева, У. Ходжаева, Ф. Атаханова

Ўн йилликдаги услуб сиймолари, тимсоллари (иконалари).
Бу 
йиллардаги сиймолар ҳозирги кунда ҳам таҳсинга лойиқдир. Ўзининг
ораста ва башанг, лекин шу билан бирга табиий ва бемалол услубда 
кийиниши билан томошабин мухаббатини қозонган Одри Хепберн модага 
капри шимларини киритган. Мэрилин Монро дунёдаги секс тимсолларидан 
бирига айланди. Унинг ҳаёт ва экрандаги серҳашам, ҳавасни келтирадиган, 
эътиборни ўзига тортадиган либослари 50-йилларнинг гламур услубини 
мужассамлантиради. “Келиннинг отаси”, “Қуёш остидаги жой”, 
“Дабдурустдан, ўтган ёзда” каби фильмлар эса ўн йилликнинг яна бир 
гўзаллик тимсоли ҳисобланган ёрқин Элизабет Тейлорга машҳурлик олиб 
келган. Ундан ташқари булар қаторидан Бриджит Бордо, Грейс Келли ва 
Софи Лоренлар каби машҳур кино актрисалари жой олган. 
Шанелнинг қайтиши.
ХХ асрнинг 50-йилларида Шанель (
Chanel
)
ўзининг ижодий фаолиятини қайтадан бошлади. Либос учун хаддан ташқари 
кўп мато ишлатадиган дизайнерларни (масалан: К.Диор яратган битта 
кўйлаги учун баъзан 30 метрдан зиёд мато ишлатилар эди) танқид қилиб, 

---

143 
“нью-лук” услубидан фарқ қилувчи элегант усулбни таклиф этди. Шанель 
Олий Мода қуёшининг ботишини сезгандек, моданинг келажагини оммавий 
харидор учун тайёр кийим ишлаб чиқаришда деб биларди.
Олтмишинчи йиллар - “Прет-а-порте” даври.
Бу даврда
 
мода 
ёшларга юз бурди. Янги, жонли, сўнгсиз тарзда кашф этувчи мода кўпчилик 
томонидан эътироф этилган андоза ва меъёрлар бўлишдан тўхтади. Мода 
ҳақидаги барқарор тушунча тагидан зил кетиб, деярли ғойиб бўлди. 
Урушдан кейинги ёшлар кийимнинг амалий жиҳатдан яхшилигига қараб 
баҳо беради ва ўз фикрини ифода этиш имкониятини қидиради. Натижада 
унча қиммат бўлмаган, аммо модали нарсаларга эҳтиёж ортди. Фабрикалар 
ва унча катта бўлмаган фирмалар ёш харидорларни мўлжал қилиб тайёр 
кўйлакларни оммавий тарзда ишлаб чиқара бошладилар. 60-йиллар охирига 
келиб дунёдаги кийимларнинг ярмидан кўпроғини 25 ёшдан кичикроқ 
одамлар сотиб олган. АҚШда барча сотилган кийимларнинг 95 фоизини 
тайёр кийимлар ташкил этган. Францияда эса бу рақам 25 фоизга яқин. 
Парижда 40-йиллар охирида Америка тажрибасидан фойдаланишга қарор 
қилинган. Шу боис Альбер Ламперьер ишлаб чиқариш, сотиш ва мижозлар 
билан ишлаш тизимини ўрганиб, икки йилни Қўшма Штатларда ўтказди.
1947 йилда Францияда Ламперьер таклиф этган “Прет-а-порте”
13
 
атамаси биринчи марта истеъмолга киритилди. 1956 йилда Версалда прет-а-
порте Салони биринчи марта ташкил этилди, у минглаб одаларга хизмат 
қилишга қодир мода индустрияси туғилганини намойиш этди.