Д. Раҳматуллаева, У. Ходжаева, Ф. Атаханова

Мато ишлаб чиқариш саноатидаги инновация ва янги 
технологиялар 
кам парвариш талаб қилувчи синтетик матоларни олишга 
имкон берди. Ҳаёт тарзининг ўзгариши ва фаоллашуви, шаҳардан
ташқарида дам олиш, яшаш, вақтни ўтказиш урфининг тобора ривожланиши 
ғижим бўлмайдиган тузилишга эга бўлган акрил, спандекс, полиэстер, 
триацетат, нейлон, орлон ва дакрон каби матоларнинг оммалашувига сабаб 
бўлди.
Рок-н-ролл. 
Эллигинчи йиллар
 
рок-н-ролл ва ритм-н-блюз каби мусиқа 
йўналишларининг ривожланиш даври бўлди. Бу жанрларнинг машҳур 
ижрочилари Элвис Пресли, Джонни Кэш, Джун Картерлар эди. 
 
Либосдаги шакл ва силуэтлар.
Эллигинчи йилларда силуэтлар янада 
назокатли ва романтик бўла бошлади. Британ мода саноати (индустрияси) 
американикидан мустақил ривожланишни бошлади. Янги инглиз 
модельерлари аёллар қоматига диққатни тортувчи либосларни таклиф эта 
бошладилар. Шу даврда Диор (Dior) ўзининг машхур белга ёпишиб 
турадиган этаги эса кенг кўйлакларни яратди. Юбер Живанши либослар учун 
янги шаклни таклиф этди: калта ва белга ёпишиб турмайдиган тўғри 
бичимли кўйлаклар. Кейинчалик бундай дизайн Мэри Квантни 60-
йиллардаги мини-кўйлакларини яратишга илҳомлантирган. Шунингдек 
топининг кўриниши эркаклар рубашкасига ўхшаш, юбкаси эса кенг бўлган, 
белга ёпишиб турувчи шаклли кўйлаклар ҳам модабоп ҳисобланган. Умуман 
олганда, трапециясимон шаклли кўйлаклар 50-йилларнинг, сўнгра эса 60-
йилларнинг асосий силуэтларидан эди. Бундай либосларни ёпинғич ва 
пелериналар билан уйғунлаштиришган.
12
мюзикл - [ингл. musical < musical comedy мусиқий комедия]. Мусиқали саҳна асари ёки 
комедия хусусиятига эга бўлган фильм, унда оперетта, балет, эстрада жанрларининг 
элементлари қўлланади.

---

141 
Олий мода уруш охирида ўз ривожида қайта юксалишни бошлайди. 
Бунга Кристиан Диор (Christian Dior) ва Кристобаль Баленсиага (Cristobal 
Balenciaga)ларнинг, мавжуд бўлган услублардаги жиддийлик, мутаносиблик 
ва сиполигидан фарқ қилувчи экстравагант моделлари сабабчи бўлади.