Д. Раҳматуллаева, У. Ходжаева, Ф. Атаханова

Назорат учун савол ва амалий топшириқлар 
1.
 
ХХ аср 90-йилларида модага қандай ўзгаришлар кириб келди? 
2.
 
Концептуал либос деганда нима тушунилади? 
3.
 
Байналминал мода тушунчасига таъриф беринг. 
4.
 
Бу даврдаги модадаги эклектикликка таъриф беринг. 
5.
 
“От-кутюр” йўналишида фаолият юритаётган мода Уйларида 
қандай ўзгаришлар юз берди? 
6.
 
“Прет-а-порте” тоифасидаги либосларни ишлаб чиқаришдачи? 
7.
 
Бу даврдаги асосий услублар ҳақида нималарни биласиз? 
8.
 
ХХ аср охири ва ХХI аср бошида пайдо бўлган янги ашёлар модага 
қандай таъсир кўрсатди?

---

171 
ТЎРТИНЧИI БОБ. 
ЖАНУБИЙ ВА ШАРҚИЙ ОСИЁ ХАЛҚЛАРИ ЛИБОСИ 
Форс либоси 
Эрон шоҳлиги милоддан аввалги VII–V асрларда ҳарбий жиҳатдан 
қудратли қулдорлик мамлакати бўлиб, кўпгина эл–элатларни ўзига 
бўйсундириб олган. Янги–янги ўлкаларнинг истило қилиниши ва уларни 
Эрон шоҳлигига қўшиб олиш давомида, шунингдек бошқа халқ ва
миллатларнинг таъсири остида, бу мамлакат санъати ва маданияти ҳам 
ривожланиб борган.
Қадимий форс санъати ва маданияти асосан икки мавзу атрофида 
ривожланган: тахт учун кураш ва вафот этганлар хотирасини ёд этиш, 
уларни абадийлаштириш. Оммавий ибодатхоналарни учратмаслигимиз 
боиси ҳам ана шунда. Қадимий Эрон шоҳлиги пойтахти – Пассаргади эди. 
Пассаргадида, пирамида қад кўтарган тепаликда кичкина мақбара қад 
кўтарган.Ушбу мақбара “Кир қабри”, деб аталади.
Қадимги форс либослари табиий шароитга мутаносиб равишда 
яратилган. Аксарият эронликлар авлод–аждодлари баланд тоғ водийларида 
яшаган. Улар асосан чорвачилик, деҳқончилик ва овчилик билан 
шуғулланганликлари сабабли, асосий кийимлари ҳайвон терисидан
тикилган. Эронликлар кийими жуда ноқулай бўлиб, бутун танани қоплаб 
турган. Яшаш, яъни турмуш шароити либослар янгиланишини талаб 
этмоқда эди.