Д. Раҳматуллаева, У. Ходжаева, Ф. Атаханова

Назорат учун савол ва амалий топшириқлар 
1.
 
Араб либосининг шаклланиши ҳақида сўзлаб беринг.
2.
 
Мато турлари, либослардаги ранг ва безаклар ҳақида нималарни 
биласиз? 
3.
 
Эркаклар либоси қандай кийим турларидан ташкил топган? Уларни 
таърифлаб беринг. 
4.
 
Эркаклар бош кийимларининг
 
ўзига хос
 
томонларини,
 
жумладан, булар 
нимадан тикилган ва қандай вазифани бажарганлигини тавсифлаб 
беринг. 
5.
 
Араб қабилаларининг либосларида фарқ бўлганми? Ана шу жиҳатлар
ҳақида гапириб беринг.
6.
 
Қадимда араб аёлларининг либоси қандай кўринишга эга эди, ҳозирда
бундай кийим турлари сақланиб қолганми?
 
 
 
 
 
 
 
 
 
 
 

---

181 
Ҳинд либоси 
Ҳиндистон қадимий Шарқ давлатларидан биридир. Зеро Ҳиндистон
санъати ва маданияти қадимийлиги билан ажралиб туришининг боиси ҳам 
шундандир. Ҳиндистон меъморий обидалари, ҳақли равишда, Осиё 
дурдоналаридан бири ҳисобланади. Бу ҳақда ҳозиргача сақланиб қолган
меъморий обидалар, ибодатхоналар, ҳайкалтарошлик асарлари ва қадимий 
ёдгорликлар далолат беради. Буюк темурийлар (бобурийлар) сулоласи 
даврида Шоҳ Жаҳон томонидан суюкли рафиқаси Мумтозбегимга аталиб, 
меъморчиликнинг ажойиб намунаси, муҳаббатга қўйилган ҳайкал, деб 
таърифланмиш такрорланмас санъат дурдонаси “Тож–маҳал” мақбараси 
барпо этилди. “Тож–маҳал” мақбараси санъат асари сифатида жаҳоннинг 
етти мўъжизасидан бири, деб эътироф этилиши ҳам бежиз эмас. Ҳинд 
санъат–маданияти замирида диний ақидалар ётади. Ҳиндистонда кўп диний 
оқимлар мавжуд. Шулар орасида энг қадимий дин ведаизмдир. Кейин
брахманизм, буддизм, индуизм, ислом дини ва кейинчалик Европадан 
насроний дини кириб келади. 
Ҳиндистонда миниатюра тасвирий санъати, халқ амалий санъати қадим–
қадимдан ривожланган. Ҳинд ҳунарманд усталари томонидан яратилган 
буюмларнинг нафислиги, гўзаллиги ҳамон санъат мухлисларини ҳайратга 
солиб келмоқда.
Ҳиндистон тарихида, халқнинг ҳаёт кечиришида Инд ва Ганг дарёлари 
катта аҳамият касб этади. Қадим замонларда ҳиндлар Инд водийсига кўчиб 
келган, турмуш кечирган, одамлар асосан деҳқончилик билан шуғулланган.