Д. Раҳматуллаева, У. Ходжаева, Ф. Атаханова

Аср сўнгидаги услублар.
90-йилларда бутун дунё бўйлаб 
минимализм
га қайтиш кузатилади. Бу вақтга келиб Кельвин Кляйн ва Донна 
Каран ушбу услубнинг мумтозлари саналадилар. Ўнйиллик бошида 
“Barney’s” номли Америкадаги катта дўкон 30-йилларбезак санъатидаги 
минимализм оталаридан бири Жан Мишель Франк услубида безалганди. 
Дўконнинг 
бешала 
қаватида 
қаймоқранг 
девор 
фонида 
турли 
дизайнерларнинг фақат қора рангдаги либослари қўйиб чиқилганди – бу 
ҳайратомуз таъсирчан чиққанди. Австрия моделчиси Хельмут Ланг ҳам 
(1956 йилда туғилган) минимализм услубида ишлаб, 1998 йилда Нью 
Йоркдаги аёллар либосларнинг янгича йўналишини тақдим этади. Лангнинг 
ўзи услубини ҳеч бир манбага олиб бориб тақамайди ва уни замонавий 
урбанизм деб тавсифлайди. Минимализм рангдан хасисларча фойдаланишга, 
бир хил рангдаги матоларга, қўшимча безаклар эмас, балки бичим орқали 
маънодорлик қидиришга яқин туради.
Минимализмга берилишнинг сўнгги мавжи 1999 йилга тўғри келганди, 
ўшанда дизайнчиларнинг қарийб барча жамламаларида турли фактурали бир 
хил матолардан қилинган, деталлар сони жуда оз бўлган содда силуэтлар 
етакчилик қилганди. 
Америкада кўча модаси (Street style) катта таъсир касб этди. “Nirvana” 
мусиқа гуруҳининг йиртиқ-сиртиқ кийимларидан чиққан 
гранж
услуби 
Мода уйлари мижозларини донг қотдириб қўйди. Ўз моҳиятига кўра гранж 
услуби даставвал антимоданинг мумтоз намунасидан бири эди. Бир-

---

165 
бирнинг устидан катта-кичиклиги қандайлигига қарамай эски йиртиқ 
буюмларни кийиб чиқиб машшоқлар ва уларнинг мухлислари одоб 
меъёрлари ва кийиниш қоидаларига тўла бефарқликни намойиш этдилар. 
Бироқ, ҳар доим антимодада бўлгани каби, “Nirvana” гуруҳининг ижрочиси 
Курт Кобейн MTV да ва мода журналлари саҳифаларида пайдо бўлди 
демагунча, унинг либослари – унниққан футболкалар, чўзилиб шаклини 
йўқотган трикотаж джемперлар, джинси ва кедалари модали услубга айлана 
бошланди. 70-йиллар хиппи услубига бироз ўхшашиб кетишига қарамай, 
гранжда “гуллар болалари”нинг романтикаси учрамайди, унда панк-
моданинг ёрқин томошабоплиги ҳам йўқ. 
Британияда – кўчаларда ҳам, саҳналарда ҳам, гранж услуби нью-эйж 
услуби билан қўшилиб кетган. Мусиқада бу услубга шаклсизлик,
сидирғалик, самовий оҳанглар ва электрон овозлар хос. Нью-эйж 
либосларида бир костюм доирасида турли маданиятлар ва улуб 
йўналишларининг эркин қоришуви пайдо бўлди. Гранждан фарқли ўлароқ 
нью-эйж
онгли равишда юзага келди, зеро замондош қиёфасининг 
жўшқинлиги таъкидланиши лозим эди.
Этник 
мавзулар илгаригидек оммабоп эди. Валентино, Мак-Куин, 
Гальяно, Версаче (сари), Дольче ва Габбана (эркаклар жамламасидаги
саронг юбкаси) жамламаларида ҳинд, хитой, япон йўналишлари пайдо 
бўлади. Ромео Жильи Л.Бакст ва А.Бенуатомонидан 1907–14 йилларда
Париж ва Лондондаги “Рус мавсумлари” спектаклларига ишланган либос ва 
безакларига рангоранг вариациялар қилади.
Иссэй Миякэ, Ширин Гвилд, Аша Сарабҳай каби дизайнерлар япон, 
эрон, ҳинд миллий либосларини асос қилиб, кутилмаган ва қизиқарли
кийимлар яратишга муваффақ бўлдилар.