Д. Раҳматуллаева, У. Ходжаева, Ф. Атаханова

Аёллар либоси. 
Ғарбий Европа аёллар либоси ҳам аввал Италия 
кейинчалик Испания таъсири остида ривожланди. Аммо Францияда аёллар 
гўзаллиги ўзгача тушунилган. Итальянларнинг тўлалиги, испанларнинг 
қотма ва чайирлиги француз аёлларининг назокатли дидини қондирмаган. 

---

78 
Каркас либоснинг пирамидасимон шаклидан фойдаланган ҳолда, улар 
ўзларининг пропорциялари ва ранглар жилосини яратганлар. Вертюгаден 
шакли Испанияники сингари воронкасимон эмас, балки барабансимон, 
цилиндрсимон бўлиб, юбкалар эса испанларникидан фарқли ўлароқ зич 
бурма қилинган. Юбканинг узунлиги испанларникидан калтароқ, яъни 
тўпиққача бўлган. Деколте ўйиғи ренессансга хос кенг ва чуқур қирқим 
шаклида бўлиб, у вставка ва қаттиқ елпиғичсимон тўрли ёқа билан безалган 
(3-расм).
3-расм 
Германия аёллар либосида 
г
–симон готик силуэт узоқ вақт сақланиб 
қолди (4-расм). Бироқ каркас асос сақланмаган. Кийим кенглигини 
мутаносиблашда бу даврга хос характерли белги горизонталликка интилиш 
йўқ. Англия аёллар либосида испан ва француз таъсири энг кучли бўлган (5-
расм).
4-расм
5-расм

---

79 
Назорат учун савол ва амалий топшириқлар 
1.
 
Гуманизм - ҳар томонлама етук инсон ҳақидаги янги тушунча 
эканлигини тушунтириб беринг. 
2.
 
Уйғониш даври Италия эркаклар ва аёллар либоси қандай кўринишга 
эга бўлган?
3.
 
Уйғониш даври либосларига қандай матолар, ранглар ва безаклар 
ечими қўлланилган? 
4.
 
Уйғониш даври Франция эркаклар ва аёллар либосига таъриф беринг, 
улар кийимларининг ўзгаришига қайси давлатнинг таъсири сезилган?