D. A. Mamatqulov bolalar anatomiyasi va fiziologiyasi asoslari

Adolf Faller. “Michael Schuenke –The Human Body-“An Introduction to Structure  and 
Function”Thieme  Stuttgard” New York http: 
www.bestmedbook.com
 2004. 338-bet
 
  

---

98 
 
paylari tarang tortiladi nafas olinganda kirgan havo bu paylarni tebranma harakatga  
keltiradi  bu  vaqtda  ovoz  chiqadi.  Hiqildoq  nafas  yo‗lining  bir  qismi  bo‗libgina 
qolmay, balki ovoz chiqarish a‘zosidir.  
Kekirdak va bronxlar. Havo hiqildoqdan o‗tib, kekirdakka keladi. Kekirdak 
-  uzunligi  10-12  sm  keladigan  naydir.  Kekirdak  skeleti  15-20  dona  ustma-ust 
joylashgan  yarim  xalqasimon  tog‗aylardan    iborat.  Tog‗aylar  orasida,  shuningdek 
ularning  orqa  tomonga  qaragan  tutashmagan  uchlari  orasida  biriktiruvchi  to‗qima 
pardasi bor, bu pardada silliq muskul tolalari bo‗ladi. Tog‗aylar kekirdakni old va 
yon  tomonlardan  o‗rab  turadi.  Tog‗ay  xalqalar  uchining  kekirdak  orqa  tomonida 
bir-biri  bilan  tutashmaganligi  shu  kekirdak  orqasida  joylashgan  qizilo‗ngachdan 
ovqatning  bemalol  o‗tshini  ta‘minlaydi.  Kekirdakning  pastki  uchi  ikkita  bronxga 
bo‗linadi.  Bu  bronxlardan  biri  o‗ng  o‗pkaga,  ikkinchisi  chap  o‗pkaga  kirib 
tarmoqlanadi,  bu  tarmoqlar  ko‗p  marta  bukilib,  bronxial  tarmoqlar  hosil  qiladi. 
Yirik bronxlar devorida tog‗ay xalqalar bor, mayda bronxlar devorida esa bunday 
xalqalar bo‗lmaydi, ular muskul xalqa qavati bilan o‗ralgan. Juda mayda bronxlar 
o‗pka  pufakchalari  bilan  tamomlanadi,  ularning  yupqa  devorlarida  qon 
kapillyarlaridan iborat qalin to‗r bilan qoplangan bo‗rtmalar - katakchalar bo‗ladi. 
Kekirdak  bilan  bronxlarning  ichki  tomoni  parda  bilan  o‗ralgan,  bu  pardada 
shilimshiq  bezlar  bo‗lib,  parda  tukli  epiteliy  bilan  qoplangan.  Epiteliy  tuklarining 
harakatlanib  turishi  chang  va  mayda  begona  zarrachalarning  o‗pkaga  kirishiga 
to‗sqinlik qiladi.  
O„pka  ko‗krak  bo‗shlig‗ida  joylashgan  konussimon  g‗ovak  a‘zo  bo‗lib 
to‗qimasida  elastik  tolalar  ko‗p  bo‗ladi.  Bu  to‗qima  o‗pkani  elastikligini 
taminlaydi.  O‗pka  tashqi  tomondan  biriktiruvchi  to‗qima  plevra  pardasi  bilan 
qoplangan.  Plevra  pardasi  ikki  qavatdan  iborat  bo‗lib,  bu  pardalarni  biri  o‗pkani 
o‗rab turadi, ikkinchisi ko‗krak  bo‗shlg‗ini qoplagan bo‗ladi. Ikkala parda orasida 
plevra bo‗shlig‗i bo‗lib, bu bo‗shliqda past bosimli havo bo‗ladi. Buning natijasida 
o‗pka nafas olish vaqtida bemalol kengayib-torayadi. 
 

---

99 
 
.
 
29-rasm. Traxeya va bronxlarning tuzilishi
. 
 
        
     
Odam  nafas  olganda  kiradigan  havoning  79.3%  ga  yaqin  azot,  20.94%  ga 
yaqin  kislorod,  0,03%  karbonat  angidrid  va  boshqa  gazlar  xisoblanadi.  O‗pkadan 
chiqadigan  havoda  16%  kislorod,  4  %  karbonat  angidrid  bo‗ladi;  unda  azot  va 
boshqa  gazlarning  miqdori  o‗zgarmaydi,  bundan  tashqari,  o‗pkadan  chiqadigan 
havo  suv  bug‗iga  to‗yingan  bo‗ladi.  O‗pkada  alveolalaridan  kislorod  diffuziya 
yo‗li  bilan    qonga,  karbonat  angidrid  gazi  qondan  o‗pkaga  o‗tadi.  Diffuziya 
qonuniga muvofiq, kislorod o‗pka pufakchalari va kapillyarlar devori orqali qonga 
o‗tadi. Bu yerda kislorod  qizil qon tanachalari gemoglobini bilan birikadi. Buning 
natijasida,  o‗pkadagi  kislorod  bosimi  bilan  qondagi  kislorod  bosimi  orasidagi 
ayirma  kislorodning  qonga  to‗xtovsiz  suratda  o‗tishini  ta‘minlaydigan  darajada 
bo‗lib  turadi.  O‗pka  xavosidagi  karbonat  angidridning  miqdori  va  uning  bosimi 
ham  o‗pka  pufakchalaridagi  kapillyarlar  orqali  oqib  o‗tadigan  vena  qonidagi 
bosimidan  ancha  past  bo‗ladi.  Shuning  uchun  karbonat  angidrid  qondan  o‗pkaga 
o‗tadi, u yerdan tashqariga chiqarib yuboriladi. 
        O‗pka  nafas  olish  va  ayiruv  organlaridan  biri  hamdir.  Parchalanish 
maxsulotlari:  karbonat  angidrid  va  suv  organizmdan  o‗pka  orqali  chiqarib 
yuboriladi.  O‗pkaning  tuzilishi  bilan  funksiyalari  orasida  o‗zaro  bog‗lanish  bor. 

---

100 
 
Odam  o‗pkasi  pufakchalarining  yuzi  100-120  kv.m  ga  teng.  O‗pka 
pufakchalarining  va  kapillyar  yupqa  bo‗ladi.  O‗pka  pufakchalari  va  kapillyarlari 
tuzilishining  bu  xususiyatlari  gazlar  almashinuvining  juda  shiddat  bilan  borishini 
ta‘minlaydi.  Venadagi  qon  ortiqcha  karbonat  angidridni  o‗pkaga  o‗tkazadi  va 
kislorodga  boyib,  arteriya  qoniga  aylanadi.   Arteriya  qoni  o‗pka  venalari  orqali 
yurakning  chap  qismiga,  shundan  keyin  esa  katta  qon  aylanish  doirasi 
arteriyalariga o‗tib, gavdaning barcha organlariga tarqaladi.