Cover page obzor iqtisodiy-last 7B. cdr

1-боб. Шартномаларни тузиШ, ўзгартириШ, бекор қилиШ ва уларни
ҳақиқий эмас деб топиШ билан боғлиқ иШлар бўйича суд амалиёти
25
қоидалар қўлланилмаслиги, яъни амалда қанча пеня ҳисобланган 
бўлса, шунча пеня ундирилиши ҳақида ёзилган .
Шу сабабли “Марат бизнес” МЧЖ судга ариза билан мурожаат 
қилиб, ўзаро тузилган мулк ижараси шартномасининг мазкур 
6 .3-банди қонунга хилоф бўлганлиги учун уни ҳақиқий эмас деб 
топишни сўраган .
Биринчи инстанция судининг 2016 йил 4 майдаги ҳал қилув 
қарори билан арз қилинган талабни қаноатлантириш рад этилган .
Суднинг бундай хулосага келишига мулк ижараси шартномасининг 
ўз-ўзидан ҳақиқий эмаслиги асос бўлган .
Фк 111-моддасининг биринчи қисмига кўра ер участкалари 
ва бошқа кўчмас мол-мулк билан боғлиқ битимлар (бошқа шахсга 
бериш, ипотека, узоқ муддатли ижара, меросни қабул қилиб олиш ва 
бошқалар) давлат рўйхатидан ўтказилиши керак .
Фк 112-моддасининг биринчи қисмига кўра битимнинг нотариал 
шаклига ёки уни давлат рўйхатидан ўтказиш талабига риоя қилмаслик 
битимнинг ҳақиқий эмаслигини келтириб чиқаради . Бундай битим 
ўз-ўзидан ҳақиқий бўлмайди .
Шунингдек, Ўзбекистон Республикаси Олий хўжалик суди 
Пленумининг “Мулк ижараси шартномаси тўғрисидаги фуқаролик 
қонун ҳужжатларини қўллашнинг айрим масалалари ҳақида” 
2011 йил 1 декабрдаги 234-сонли қарори 17-бандининг иккинчи 
хатбошида Ўзбекистон Республикаси Вазирлар Маҳкамасининг 
1997 йил 2 июндаги “Ўзбекистон Республикасида бинолар
ва иншоотларнинг давлат кадастрини юритиш тўғрисида”ги 278-сонли 
қарори билан тасдиқланган “Бинолар ва иншоотларнинг давлат 
кадастрини юритиш тартиби тўғрисида”ги низомнинг 8-бандига 
мувофиқ мулкдор ёки у томонидан вакил қилинган шахс ижара 
шартномаси тузилган вақтдан бошлаб бир ой муддатда, бинолар
ва иншоотларни давлат рўйхатидан ўтказувчи органларга ҳужжат-
ларни тақдим этишга мажбурдирлар . 
“Саховат-С” хусусий корхонаси томонидан “Марат бизнес” 
МЧЖ билан 2014 йил 25 декабрда тузилган 2-сонли мулк ижараси 
шартномаси давлат рўйхатидан ўтказилмаган . Ушбу ҳолда шартнома 
ўз-ўзидан ҳақиқий эмасдир .

---