Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
22
1.7. Шартномани уни имзолашга ваколати бўлмаган шахс 
томонидан имзоланганлиги бундай битимни ўз-ўзидан 
ҳақиқий эмаслигига олиб келмайди. бундай шартнома 
низоли битим бўлиб, у манфаатдор шахснинг аризаси бўйича 
суд томонидан ҳақиқий эмас деб топилганидан кейингина 
ҳақиқий бўлмаган битим ҳисобланади.
“нур” МЧЖ ва “Шердор” хусусий корхонаси ўртасида 2014 йил 
20 апрелда маҳсулот етказиб бериш тўғрисида 15-сонли шартнома 
тузилган бўлиб, унга кўра “нур” МЧЖ “Шердор” хусусий корхонасига 
140 000 000 сўмлик тиббий буюмлар етказиб бериш, “Шердор” 
хусусий корхонаси эса ушбу буюмларни қабул қилиш ҳамда 
шартнома имзоланган кундан 10 кунлик муддат ичида унинг ҳақини 
тўлаш мажбуриятини олган .
Ушбу шартномада белгиланган мажбуриятларнинг бажарили-
шини таъминлаш мақсадида “нур” МЧЖ, “Шердор” хусусий корхо-
наси ва “Ихлос” хусусий фирмаси ўртасида 2014 йил 22 апрелда 
кафиллик шартномаси тузилган . 
кафиллик шартномасининг 1 .1, 2 .1-бандларида “Шердор” хусусий 
корхонаси 2014 йил 20 апрелдаги 15-сонли шартномадан келиб 
чиқадиган мажбуриятларни “нур” МЧЖ олдида бажара олмаса, 
“Ихлос” хусусий фирмаси “нур” МЧЖ олдида “Шердор” хусусий 
корхонаси билан солидар тарзда жавоб бериши белгиланган .
“нур” МЧЖ томонидан “Шердор” хусусий корхонасига жами 
140 000 000 сўмлик маҳсулот етказиб берилган . “Шердор” хусу-
сий корхонаси эса маҳсулот учун тўловни қисман амалга оширган . 
натижада “Шердор” хусусий корхонасининг “нур” МЧЖ олдида 
110 000 000 сўмлик қарздорлиги вужудга келган .
Ушбу суммани ихтиёрий тўлаш ҳақидаги “нур” МЧЖнинг 
талабномаси “Шердор” хусусий корхонаси ва “Ихлос” хусусий 
фирмаси томонидан оқибатсиз қолдирилган . 
Шу сабабли “нур” МЧЖ суда даъво аризаси билан мурожаат 
қилиб, “Шердор” хусусий корхонаси ва “Ихлос” хусусий 

---