Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
20
Ушбу 2014 йил 11 ноябрдаги 67-сонли олди-сотди шартномасига 
асосан мавжуд 100 000 000 сўм қарздорликни ҳисоб-китоб қилиш 
мақсадида, “кармана” МЧЖ ва “Сардоба” АЖ ўртасида 2015 йил
14 октябрда тузилган 2015/20-сонли шартнома бўйича “кармана” 
МЧЖ, “Бахт” хусусий фирмаси ва “Сардоба” АЖ ўртасида 2016 йил 
16 мартда талабдан бошқа шахс фойдасига воз кечиш тўғрисида 
шартнома тузилган .
Шу сабабли вилоят прокуратураси судга ариза билан мурожаат 
қилиб, “кармана” МЧЖ “Бахт” хусусий фирмаси ва “Сардоба” 
АЖ ўртасида 2016 йил 16 мартда тузилган талабдан бошқа шахс 
фойдасига воз кечиш тўғрисидаги шартномани ҳақиқий эмас деб 
топишни сўраган .
Биринчи инстанция судининг 2017 йил 16 январдаги ҳал қилув 
қарори билан арз қилинган талаб қаноатлантирилган .
Суднинг бундай хулосага келишига “кармана” МЧЖ, “Бахт” хусусий 
фирмаси ва “Сардоба” АЖ ўртасида 2016 йил 16 мартда талабдан бошқа 
шахс фойдасига воз кечиш тўғрисида шартнома тузилиши натижасида 
2014 йил 11 ноябрда тузилган 67-сонли олди-сотди шартномасига 
асосан “кармана” МЧЖ олган маҳсулоти учун “Сардоба” АЖга бевосита 
тўлаши лозим бўлган 100 000 000 сўмни тўламасдан, ушбу суммани 
“Бахт” хусусий фирмаси ҳисобидан тўланишига йўл қўйганлиги, ушбу 
ҳолда талабдан бошқа шахс фойдасига воз кечиш тўғрисида тузилган 
шартнома қонун талабларига зид бўлганлиги асос бўлган . 
Чунки Ўзбекистон Республикаси Президентининг “Бюджет 
билан ҳисоб-китоблар учун хўжалик юритувчи субъектларнинг 
масъулиятини ошириш чора-тадбирлари тўғрисида” 1996 йил
9 август даги ПФ-1504-сонли Фармонининг 4, 5-бандларида 1996 йил 
1 сентябрдан бошлаб Ўзбекистон Республикаси доирасида маҳсулот 
етказиб бериш тўғрисида мавоза (бартер) асосида шартномалар 
тузишни тақиқлаш, тижорат банклари етказиб берилган маҳсулот 
(бажарилган ишлар, хизматлар) учун ҳақни бевосита етказиб 
берувчиларга тўланиши, тўловларнинг учинчи шахслар ҳисобидан 
ундирилишига йўл қўйилмаслиги, ушбу тартибни бузиш даромадни 
яшириш деб баҳоланиши ва айбдорларга нисбатан қонунларда кўзда 
тутилган жазо чоралари қўлланилиши белгиланган .

---