Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
28
“Авто транс” МЧЖ судга даъво аризаси билан мурожаат қилиб, 
шартнома тузилганига уч ойдан ошган бўлишига қарамасдан, 
“Транс сервис” МЧЖ ижара ҳақини тўламаётганлиги сабабли 
ундан 2 та транспорт воситалари учун 2 520 000 сўм ижара ҳақини 
ундиришни, транспорт воситаларини “Авто таранс” МЧЖга қайтариш 
мажбуриятини юклашни сўраган .
Биринчи инстанция судининг 2016 йил 4 июлдаги ҳал қилув 
қарори билан даъво талаблари тўлиқ қаноатлантирилиб, “Транс 
сервис” МЧЖдан “Авто транс” МЧЖ фойдасига 2 520 000 сўм ижара 
ҳақи ундирилган . “Транс сервис” МЧЖ зиммасига 2 та “ISUZU” русумли 
транспорт воситаларини “Авто транс” МЧЖга қайтариш мажбурияти 
юклатилган .
Суднинг бундай хулосага келишига ижара шартномаси ҳамда 
гувоҳларнинг 2 та “ISUZU” русумли транспорт воситалари “Транс 
сервис” МЧЖ ҳайдовчилари фойдаланувида эканлиги ҳақида берган 
кўрсатмалари асос бўлган .
Бироқ Ўзбекистон Республикаси Вазирлар Маҳкамасининг 2006 йил 
7 мартдаги “Автомототранспорт воситаларини сотиб олиш, улардан 
фойдаланиш ва уларни бошқа шахсга беришни тартибга солишга 
доир қўшимча чора-тадбирлар тўғрисида”ги 38-сонли қарори 
билан тасдиқланган “Автомототранспорт воситалари билан боғлиқ 
битимларни расмийлаштириш тартиби тўғрисида”ги низомнинг 
11-бандига мувофиқ нотариуслар томонидан тасдиқланган 
автомототранспорт воситалари билан боғлиқ битимлар нотариал 
тартибда тасдиқланган пайтдан бошлаб 10 кун мобайнида ДЙҲХХ 
органларида рўйхатга олиш (ҳисобга қўйиш) учун тақдим этилади .
Ўзбекистон Республикаси Олий хўжалик суди Пленумининг 
“Мулк ижараси шартномаси тўғрисидаги фуқаролик қонун 
ҳужжатларини қўллашнинг айрим масалалари ҳақида” 2011 йил
1 декабрдаги 234-сонли қарорининг 14-бандида қонун ҳужжат-
ларида белгиланган тартибда давлат рўйхатидан ўтказилиши 
лозим бўлган автомототранспорт воситаларини ижарага бериш 
шартномаси нотариал тасдиқланган бўлиши кераклиги, Ўзбекис-
тон Республикаси Вазирлар Маҳкамасининг 2006 йил 7 март-
даги “Автомо тотранспорт воситаларини сотиб олиш, улардан 

---