Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
200
Прокуратура назорат тартибидаги протест билан мурожаат 
қилиб мазкур ажримни бекор қилишни сўраган .
Ҳайъатнинг 2017 йил 16 августдаги қарори билан прокуратура-
нинг протести қаноатлантирилиб, биринчи инстанция судининг иш 
юритишни тугатиш тўғрисидаги ажрими бекор қилинган ва банк-
ротлик иши бўйича тугатишга доир иш юритиш таомили тикланган .
Ҳайъат бундай хулосага келишда Пленум 142-сонли қарори 
32-бандининг тўртинчи хатбошисига асосланган .
Мазкур Пленум қарори 32-бандининг тўртинчи хатбошисига 
кўра иш ҳақи бўйича қарзнинг мавжудлиги хўжалик суди томонидан 
келишув битимини тасдиқлашни рад этиш учун асос бўлади .

---

6 - Б О Б
КоРпоРАтИв НИзолАР бИлАН 
боғлИқ ИШлАР бўйИчА
сУД АМАлИётИ

---

ИҚТИСОДИЙ ИШЛАР БЎЙИЧА 
СУД АМАЛИЁТИ
202
6.1. МчЖ иштирокчиси бўлмаган шахс иштирокчини 
жамиятдан чиқариш тўғрисидаги даъво талаби билан судга 
мурожаат қилганда ушбу талабни қаноатлантириш рад 
этилади.
2013 йил 7 июнда фуқаролар Исомов Зуҳриддин Паттаевич
ва Зиёдов Одилбек кариевичлар томонидан “Данғара” МЧЖ (бун дан 
буён мисол матнида ”МЧЖ” деб юритилади) ташкил этилган бўлиб, 
МЧЖнинг таъсис ҳужжатлари туман ҳокимлиги ҳузуридаги тадбир-
корлик субъектларини рўйхатга олиш Инспекцияси (бундан буён 
мисол матнида ”Инспекция” деб юритилади) томонидан 2013 йил
15 июнда рўйхатга олинган ва бу ҳақда МЧЖга гувоҳнома берилган .
Таъсис ҳужжатларига кўра МЧЖнинг устав фонди 3 000 000 сўм 
миқдорида белгиланиб, унда З .Исомов 1 500 000 сўм ёки 50 фоиз, 
О .Зиёдов 1 500 000 сўм ёки 50 фоиз улушга эга бўлган .
МЧЖ иштирокчилари томонидан 2013 йил август ойида ўтказил-
ган умумий йиғилишда З .Исомов ўзининг МЧЖ устав фондидаги
50 фоиз улушидан О .Зиёдов фойдасига воз кечганлигини қабул қи-
лиш тўғрисида қарор қабул қилган . 
Бундан ташқари, З .Исомовнинг 2013 йил 6 августдаги аризасида 
МЧЖ устав фондидаги 50 фоиз, яъни 1 500 000 сўм қийматдаги 
улушини О .Зиёдовга текинга беришини ва МЧЖдан чиқишини 
маълум қилган ва ариза нотариал тартибда тасдиқланган . 
2013 йил 15 октябрда МЧЖнинг янги таҳрирдаги уставини 
тасдиқлаш тўғрисидаги 5-сонли қарори қабул қилинган бўлиб, 
уставда МЧЖ устав фондига О .Зиёдов томонидан 50 фоиз, яъни 
30 000 000 сўм улуш ва норбоев Усмон Ўринович томонидан
50 фоиз, яъни 30 000 000 сўм улуш киритилиши белгиланган . Мазкур 
устав 2013 йил 18 октябрда Инспекция томонидан рўйхатдан 
ўтказилган .
З .Исомовнинг МЧЖдан чиқиш ва МЧЖ устав фондидаги 50 фоиз 
улушини О .Зиёдовга текинга бериш ҳақида 2013 йил 6 августдаги 
аризасини бекор қилиш ҳақида 2014 йил 14 декабрдаги аризаси 
нотариал тартибда тасдиқланган .

---