Cover page obzor iqtisodiy-last 7B. cdr

6-боб. Корпоратив низолар билан боғлиқ
ишлар бўйича суд амалиёти
203
Шу сабабли З .Исомов жавобгарлар О .Зиёдов ва У .норбоевга 
нисбатан судга даъво аризаси билан мурожаат қилиб, унда О .Зиёдов 
томонидан имзоланган тилхатда О .Зиёдов З .Исомовдан олинган 
пуллар қайтарилмаган тақдирда, МЧЖ устав фондидаги 100 фоиз 
улушини З .Исомовга қайтариши ва ўзига тегишли бўлган Фарғона 
вилояти, Ўзбекистон тумани, Сайилгоҳ кўчаси, 19-уйда жойлашган 
хонадонни З .Исомовнинг номига рамийлаштириб бериши кўрса-
тилганлиги, бироқ ушбу тилхатда қайд этилган ҳолатлар амалга 
оширилмаганлиги баён этилиб, жавобгарлар О .Зиёдов ва Ў .нор-
боевни МЧЖ иштирокчилари сафидан чиқаришни сўраган .
Биринчи инстанция судининг 2015 йил 20 июлдаги ҳал қилув 
қарори билан даъво талаби тўлиқ қаноатлантирилган . Биринчи 
инстанция суди даъво талабини қаноатлантириб, нотўғри хулосага 
келган .
Чунки “Масъулияти чекланган ҳамда қўшимча масъулиятли 
жамиятлар тўғрисида”ги Ўзбекистон Республикаси Қонуни 8-мод-
да сининг иккинчи қисмига мувофиқ жами улушлари жамият 
устав фондининг (устав капиталининг) камида ўн фоизини ташкил 
этадиган жамият иштирокчилари ўз мажбуриятларини қўпол 
бузаётган ёхуд ўз ҳаракатлари (ҳаракатсизлиги) билан жамиятнинг 
фаолият кўрсатишига имкон бермаётган ёки уни жиддий тарзда 
қийинлаштираётган иштирокчини жамиятдан суд тартибида 
чиқарилишини талаб қилишга ҳақлидир .
Ўзбекистон Республикаси Олий хўжалик суди Пленумининг 
“Иқтисодий судлар томонидан корпоратив низоларни ҳал этишнинг 
айрим масалалари тўғрисида” 2014 йил 20 июндаги 262-сонли қарори 
3-бандининг иккинчи хатбошисида хўжалик ширкати ва жамияти 
қонунда белгиланган тартибда давлат рўйхатидан ўтказилиб, юридик 
шахс мақомини олганидан сўнг унда ўз улуши (пайи, ҳиссаси)га эга 
бўлган юридик ва (ёки) жисмоний шахс ушбу хўжалик ширкати 
ва жамиятининг иштирокчиси ҳисобланиши ҳақида тушунтириш 
берилган .
Ушбу ҳолда З .Исомов томонидан даъво аризаси судга тақдим 
этилган вақтда амалда бўлган МЧЖ уставига кўра З .Исомов МЧЖда 
улушга эга бўлмаган ва МЧЖ иштирокчиси ҳисобланмаган . 

---