Cover page obzor iqtisodiy-last 7B. cdr

6-боб. Корпоратив низолар билан боғлиқ
ишлар бўйича суд амалиёти
211
Бироқ Ўзбекистон Республикаси Олий хўжалик суди Пленумининг 
“Иқтисодий судлар томонидан корпоратив низоларни ҳал этишнинг 
айрим масалалари тўғрисида” 2014 йил 20 июндаги 262-сонли 
қарорининг 20 .3-бандида масъулияти чекланган ёки қўшимча 
масъулиятли жамият иштирокчилари умумий йиғилишининг 
қарорини ҳақиқий эмас деб топиш тўғрисидаги ишларни кўришда 
ишнинг барча ҳолатлари тўлиқ ўрганилиши, даъвогарнинг овози 
овоз бериш натижаларига қай даражада таъсир кўрсата олиши 
мумкинлигини аниқлаш лозимлиги, агар ариза берган жамият 
иштирокчисининг овози овоз бериш натижаларига таъсир кўрсата 
олиши мумкин бўлмаса ва (ёки) йўл қўйилган қоидабузарлик 
жиддий бўлмаса ва (ёки) қарор жамиятнинг ана шу иштирокчисига 
зарар етказмаган бўлса, суд ишнинг барча ҳолатларини ҳисобга 
олиб, даъвони қаноатлантиришни рад этиши мумкинлиги ҳақида 
тушунтириш берилган .
Бу ерда биринчи инстанция суди томонидан МЧЖнинг таъсис 
шартномасига асосан МЧЖ иштирокчилари А .Аҳмедовнинг улуши
0,28 фоизни, Д .Дадабоевнинг улуши 0,32 фоизни, А .Қорабоевнинг 
улуши 0,49 фоизни, А .Садировнинг улуши 2,96 фоизни, А .Алиевнинг 
улуши 0,30 фоизни ташкил этиши, ушбу ҳолда МЧЖ иштирокчилари 
томонидан 2016 йил 20 августда ўтказилган умумий йиғилишдаги 
қарорнинг қабул қилинишида уларнинг жами 4,35 фоиз овозлари 
овоз бериш натижаларига таъсир кўрсата олмаслиги инобатга 
олинмаган .
Шу боис Ҳайъат ҳал қилув қарорини бекор қилиб, ариза талабини 
қаноатлантиришни рад этиш ҳақида янги қарор қабул қилишни лозим 
топган .
6.6. МчЖ иштирокчилари сафига киритилмаган меросхўрни 
МчЖ иштирокичилари сафидан чиқариб бўлмайди.
2015 йил 10 сентябрда фуқаролар Хайруллаев Сайфулла 
Ибодуллаевич ва Усманов Лазиз Асқарович томонидан “Мароканд” 
МЧЖ (бундан буён мисол матнида ”МЧЖ” деб юритилади) ташкил 

---