Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
210
Таъсис ҳужжатларига кўра МЧЖнинг устав фонди 100 000 000 сўм
миқдорида белгиланиб, унда А .Аҳмедов 0,28 фоиз, Д .Дадабоев
0,32 фоиз, А .Қорабоев 0,49 фоиз, А .Садиров 2,96 фоиз, А .Алиев 0,30 
фоиз, “Сардор-С” МЧЖ 45,60, фоиз, “Дармон” МЧЖ 50 фоиз улушга 
эга бўлган .
МЧЖ иштирокчилари томонидан 2016 йил 20 августда ўтказилган 
умумий йиғилишда “Мега текстил” МЧЖ томонидан хорижий 
технология сотиб олиш учун “Агробанк” АТБдан олинадиган 
950 000 000 сўм кредит таъминоти сифатида МЧЖга тегишли 
Қашқадарё вилояти, Чироқчи тумани, “намуна” МФЙ, А .Темур кўчаси, 
10-уйда жойлашган бино ва иншоотларни гаровга қўйишга розилик 
бериш ва керакли ҳужжатларни расмийлаштириш тўғрисида қарор 
қабул қилинган . 
Йиғилишда МЧЖ иштирокчилари А .Аҳмедов, Д .Дадабоев, 
А .Қорабоев, А .Садиров ва А .Алиев кун тартибига қўйилган масала 
юзасидан қабул қилинаётган қарордан норози бўлганликлари 
сабабли қарши овоз берганлар . Бироқ қарор кўпчилик овоз билан 
қабул қилинган .
Шу сабабли МЧЖ иштирокчилари А .Аҳмедов, Д .Дадабоев, 
А .Қорабоев, А .Садиров ва А .Алиевлар судга ариза билан мурожаат 
қилиб, МЧЖ иштирокчилари томонидан ўтказилган умумий 
йиғилишда қабул қилинган 2016 йил 20 августдаги қарорни ҳақиқий 
эмас деб топишни сўраганлар . 
Биринчи инстанция судининг 2016 йил 15 декабрдаги ҳал қилув 
қарори билан ариза талаби қаноатлантирилган .
Чунки МЧЖ уставининг 7 .5-бандида қонунда кўрсатилган тар-
тибда мулкий, кредит, гаров ва бошқа йирик битимлар тузиш бўйича 
қарорлар қабул қилиш каби масалаларни ҳал қилиш фақатгина 
умумий йиғилиш ваколатига кириши, 7 .20-бандида умумий йиғи-
лиш қатнашчиларини рўйхатга олиш тугаганда жами улушларнинг
75 фоизи миқдорига эга бўлган иштирокчилар йиғилганда умумий 
йиғилиш ваколатли ҳисобланиши, 7 .24-бандида умумий йиғилишда 
кворум, яъни овоз берувчи иштирокчиларнинг 75 фоизидан кам 
миқдори қатнашганда йиғилиш ўтказилмаслиги ва умумий йиғилиш 
ўтказишнинг янги санаси белгиланиши қайд этилган . 

---