Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
198
натижалари бўйича ҳисоботи кўриб чиқилиб, корхона томонидан 
барча кредиторлар талаблари қаноатлантирилганлиги, суд 
харажатлари тўлиқ тўланганлиги ва унинг тўлов қобилияти 
тикланганлиги учун иш бўйича иш юритиш тугатилган .
Бироқ биринчи инстанция суди АЖ барча кредиторлар 
талабларини қондирган ва у ўз хўжалик фаолиятини давом 
эттиришга имконияти мавжудлигидан келиб чиқиб банкротлик 
иши бўйича иш юритишни тугатиш тўғрисида ажрим чиқарган 
бўлсада, ажримда АЖни банкрот деб топиш тўғрисида 2017 йил 
12 февралда қабул қилинган ҳал қилув қарори ижро этилмаслиги 
кўрсатилмаган .
Шу сабабли АЖ 2018 йил 14 апрелда назорат тартибидаги ши-
коят билан мурожаат қилиб, биринчи инстанция судининг 2017 йил 
10 декабрдаги ажримини ўзгартиришни ва унда АЖни банкрот деб 
топиш тўғрисида 2017 йил 12 февралда қабул қилинган ҳал қилув 
қарори ижро этилмаслигини кўрсатишни сўраган .
Ҳайъатнинг 2018 йил 21 майдаги қарори билан АЖнинг назорат 
тартибидаги шикояти қаноатлантирилиб, биринчи инстанция суди-
нинг 2017 йил 10 декабрдаги ажримининг хулоса қисми “АЖни 
банкрот деб топиш тўғрисида 2017 йил 12 февралда қабул қилинган 
биринчи инстанция судининг ҳал қилув қарори ижро этилмасин” 
деган жумлани қўшиш орқали ўзгартирилган .
Ҳайъат бундай хулосага келишда Пленум 142-сонли қарорининг 
25-бандига асосланган .
Мазкур Пленум қарорининг 25-бандига кўра тугатишга доир 
иш юритиш жараёнида кредиторларнинг талаблари реестрига 
киритилган барча талаблар қондирилганда ва қарздорнинг ўз 
хўжалик фаолиятини давом эттиришга имконияти мавжуд бўлганда, 
тугатиш бошқарувчиси тақдим этган ҳисоботни кўриб чиқиш 
натижалари бўйича хўжалик суди банкротлик тўғрисидаги иш бўйича 
иш юритишни тугатиш ҳақида ажрим чиқаради ва унда қарздорни 
банкрот деб топиш тўғрисидаги ҳал қилув қарори ижро этилмаслиги 
кўрсатилади .

---