Cover page obzor iqtisodiy-last 7B. cdr

5-боб. Қарздорни банкрот деб топиш билан
боғлиҚ ишлар бўйича суд амалиёти
199
5.16. банкротлик иши бўйича қарздорнинг кредиторлардан 
ташқари, ўзининг ходимлари иш ҳақи бўйича ҳам 
қарздорлиги мавжуд бўлганда, суд кредиторлар
ва МчЖ ўртасида тузилган келишув битимини
тасдиқлашни рад этади.
“Висол” МЧЖ (кейинчалик мисол матнида “МЧЖ“ деб юри-
тилади) ўз ходимлари иш ҳақидан 2 562 700 сўм, “Зилола” хусусий 
корхонасидан 15 650 000 сўм ва “Дунё” МЧЖдан 56 500 000 сўм 
қарз бўлиб қолган . Шунингдек, солиқлар ва бошқа мажбурий 
тўловлардан 4 520 000 сўм қарздорлиги мавжуд бўлган . МЧЖ тў лов 
қобилиятига узоқ вақт давомида эга бўлмай қолганлиги сабабли 
кредиторлар олдидаги мажбуриятларини бажара олмаган .
Шу сабабли кредитор “Дунё” МЧЖ судга ариза билан мурожаат 
қилиб, МЧЖни банкрот деб топишни сўраган .
Биринчи инстанция судининг 2017 йил 16 мартдаги ҳал қилув 
қарори билан МЧЖ банкрот деб топилиб, тугатишга доир иш юритиш 
бошланган ва тугатиш бошқарувчиси этиб Р .Зафаров тайинланган . 
Тугатишга доир иш юритиш жараёнида МЧЖга тегишли 
унинг маъмурий биноси, ишлаб чиқариш цехи, ишлаб чиқариш 
ускуналари мавжудлиги аниқланган . Тугатиш бошқарувчиси 
кредиторларга мурожаат қилиб, МЧЖнинг ушбу кўчар ва кўч-
мас мулкларини кредиторлик қарзлари эвазига қабул қилиб 
олиш орқали келишув битимини тузишни таклиф этган . Тугатиш 
бошқарувчиснинг келишув битими тузиш ҳақидаги таклифи 
кредиторлар йиғилишида кўриб чиқилиб, кредиторллар 
томонидан келишув битими тузишга розилик бериш ҳақида қарор 
қабул қилинган . натижада тугатиш бошқарувчиси ва кредиторлар, 
жумладан МЧЖнинг иш ҳақи бўйича ҳақдор бўлган ходимлари 
ўртасида келишув битими тузилган .
Пленум 142-сонли қарори 31-бандининг биринчи хатбоши-
сида берилган тушунтиришларга мувофиқ келишув битими суднинг 
2017 йил 12 июлдаги ажрими билан тасдиқланган ва ушбу ажрим 
билан банкротлик иши бўйича юритиш тугатилган .

---