Cover page obzor iqtisodiy-last 7B. cdr

5-боб. Қарздорни банкрот деб топиш билан
боғлиҚ ишлар бўйича суд амалиёти
175
сабабли кредитор “Фирдавс” АЖ биринчи инстанция судининг ҳал 
қилув қарорини ўзгартириш тўғрисида 2017 йил 17 январда назорат 
тартибидаги шикоят билан мурожаат қилган .
Ҳайъат “Фирдавс” АЖнинг назорат тартибидаги шикоятига асосан 
ишни 2017 йил 21 февралда қайта кўриб чиқиб, биринчи инстанция 
судининг ҳал қилув қарорини ўзгартириш тўғрисида қарор қабул 
қилган . 
Ҳайъат ҳал қилув қарорини ўзгартиришда Пленум 142-сонли 
қарорининг 30-бандида берилган тушунтиришларга асосланган .
Мазкур Пленум қарорининг 30-бандида Қонуннинг 124-модда-
сига мувофиқ тугатишга доир иш юритиш муддати бир йилдан ошиши 
мумкин эмаслиги, шундан келиб чиқиб, хўжалик судининг банкрот 
деб топиш ва тугатишга доир иш юритишни бошлаш тўғрисидаги ҳал 
қилув қарорида тугатиш бошқарувчиси томонидан тугатишга доир 
иш юритиш натижалари ҳақидаги ҳисоботни тақдим этишнинг аниқ 
муддатини белгилаш лозимлиги ҳақида тушунтириш берилган .
Шу сабабли Ҳайъатнинг қарорида биринчи инстанция суди 
ҳал қилув қарорининг хулоса қисмини “Тугатиш бошқарувчиси 
зиммасига МЧЖни тугатишга доир иш юритиш натижалари ҳақидаги 
ҳисоботни 2017 йил 21 мартга қадар судга тақдим этиш мажбурияти 
юклатилсин” деган жумла билан тўлдириш орқали ҳал қилув қарори 
ўзгартирилиши кўрсатилган .
5.4. банкротликнинг соддалаштирилган таомили бўйича иш 
кўрилаётганда тугатиш бошқарувчиси томонидан тугатишга 
доир иш юритиш жараёнида қарздорнинг мол-мулки 
мавжудлиги аниқланса, суд тугатиш бошқарувчисининг 
илтимосномасига асосан банкротликнинг соддалаштирилган 
таомилини бекор қилиб, ишни банкротликнинг умумий 
таомили бўйича кўриб чиқади.
ДСИ судга ариза билан мурожаат қилиб, “Бахтиёр” хусусий 
корхонасини (кейинчалик мисол матнида “Хусусий корхона” деб 

---