Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
172
Суднинг 2017 йил 25 августдаги ҳал қилув қарори билан 6 330 696 
сўм солиқ қарздорлиги бўйича ундирув қарздорнинг мол-мулкига 
қаратилган . МЧЖдан давлат бюджетига 172 240 сўм давлат божи ва 
ДСИ фойдасига 7 200 сўм почта харажати ундирилган .
Ҳал қилув қарори қонуний кучга киргач суд томонидан 2017 йил
26 сентябрда ижро варақалари берилган . Улар асосида Мажбурий 
ижро бюроси туман бўлими томонидан ижро иши қўзғатилган . Бироқ 
ижро ишини юритиш давомида МЧЖнинг мол-мулки мавжудлиги 
аниқламаганлиги сабабли, давлат ижрочиси томонидан 2018 йил 
19 декабрда ижро ҳужжатини ундирувчига қайтариш ва ижро иши 
юритишни тамомлаш ҳақида қарор чиқарилган .
Шундан сўнг, ДСИ судга ариза билан мурожаат қилиб, МЧЖни 
банкротликнинг соддалаштирилган таомили бўйича банкрот деб 
топишни сўраган .
Биринчи инстанция судининг 2018 йил 12 февралдаги ажрими 
билан ДСИнинг аризаси ХПк 88-моддасининг 5-бандига асосан, яъни 
даъвогар низони судгача ҳал қилиш (талабнома юбориш) тартибига 
риоя этмаганлиги сабабли кўрмасдан қолдирилган .
Апелляция инстанцияси судининг 2018 йил 14 мартдаги қарори 
билан биринчи инстанция судининг 2018 йил 12 февралдаги ажрими 
ўзгаришсиз қолдирилган .
Биринчи инстанция суди ХПк 88-моддасининг 5-бандини 
қўллашда Қонуннинг 188-моддасига ва Ўзбекистон Республикаси Олий 
хўжалик суди Пленумининг “Банкротлик тўғрисида”ги Ўзбекистон 
Республикаси Қонунини хўжалик судлари томонидан қўллашнинг 
айрим масалалари ҳақида” 2006 йил 27 январдаги 142-сонли қарори 
(кейинчалик мазкур боб матнида “Пленумнинг 142-сонли қарори“ 
деб юритилади) 35-бандининг учинчи хатбошисига таянган .
Қонуннинг 188-моддасига кўра ўз фаолиятини тугатган қарздор 
якка тартибдаги тадбиркор ёки тугатилаётган юридик шахснинг 
раҳбари ҳозир бўлмаган ва уларнинг турган жойини (яшаш 
жойини) аниқлашнинг имкони бўлмаган тақдирда, ҳозир бўлмаган 
қарздорни банкрот деб топиш тўғрисидаги ариза, кредиторлик 
қарзи миқдоридан қатъи назар, кредитор, банкротлик тўғрисидаги 
ишлар бўйича давлат органи, давлат солиқ хизмати органи ёки 

---