Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
122
ошиб кетиши мумкинлигидан қатъи назар, қопланади .
Шу боис Ҳайъат биринчи инстанция судининг ҳал қилув қарорини 
бекор қилиб, даъво талабларини тўлиқ қаноатлантириш тўғрисида 
янги қарор қабул қилишни лозим топган . 
3.21. лизинг олувчи лизинг шартномасини жиддий тарзда 
бузган тақдирда лизинг берувчи бир вақтнинг ўзида ҳам 
барча лизинг тўловларини муддатидан илгари ундириш, ҳам 
лизинг объектини қайтариб олган ва зарарни ундирган ҳолда 
шартномани бекор қилишни талаб қилиш ҳуқуқига эга эмас.
“Саноатқурилишбанк” АТБ ва “Шаҳло” МЧЖ ўртасида 2014 йил
21 декабрда 7-сонли мулкни сотиб олиш ва лизингга бериш тўғрисида 
шартнома тузилган бўлиб, шартноманинг 1 .2 ва 3 .2-бандларида 
“Саноатқурилишбанк” АТБ Қашқадарё вилояти, Чироқчи тумани, 
Сувариқ МФЙ, Увайсий кўчасида жойлашган маъмурий бинони 
(бундан буён мисолдаги матнда лизинг объекти деб юритилади)
18 фоиз устама тўлаш ва кейинчалик сотиб олиш шарти билан 36 ой 
муддатга 800 000 000 сўм миқдорида “Шаҳло” МЧЖга ижарага бериш, 
“Шаҳло” МЧЖ эса тўловни ўз вақтида амалга ошириш мажбуриятини 
олган .
2014 йил 21 декабрда имзоланган топшириш-қабул қилиш 
далолатномасига асосан “Шаҳло” МЧЖ “Саноатқурилишбанк” АТБдан 
лизинг объектини қабул қилиб олган .
“Шаҳло” МЧЖнинг 2016 йил 14 ноябрь куни ҳолатига лизинг 
тўловларидан қарздорлиги 700 000 000 сўмни, муддати ўтган фоиз 
қарздорлиги 30 000 000 сўмни ташкил этган . 
Шу сабабли “Саноатқурилишбанк” АТБ судга даъво аризаси 
билан мурожаат қилиб “Саноатқурилишбанк” АТБ ва “Шаҳло” 
МЧЖ ўртасида 2014 йил 21 декабрда тузилган 7-сонли лизинг 
шартномасини муддатидан олдин бекор қилишни, “Шаҳло” МЧЖдан
700 000 000 сўм асосий қарз, 30 000 000 сўм фоиз ундиришни, лизинг 
объектини “Саноатқурилишбанк” АТБга қайтаришни сўраган .

---