Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
118
Амударё туман ИИБнинг 2015 йил 22 октябрдаги қарори билан 
жиноят иши қўзғатиш рад этилган .
Шу боис Ҳайъат ҳал қилув қарорини бекор қилиб, даъво талабини 
қаноатлантириш ҳақида янги қарор қабул қилишни лозим топган .
3.19. суғурта қилдирувчи суғурта мукофотини
тўлиқ тўламаганда суғурталовчи суддан тўланмаган
суғурта мукофотини ундиришни талаб қилишга эмас,
балки суғурта ҳодисаси содир бўлганда суғурта
қилдирувчига суғурта товонини суғурта мукофотининг 
тўланган қисмига мувофиқ ҳолда тўлашга ҳақли.
“Азия иншурэнс” суғурта компанияси ва “Ўктам” хусусий 
корхонаси ўртасида 2015 йил 28 апрелда транспорт воситалари 
эгаларининг фуқаролик жавобгарлигини суғурта қилиш тўғрисида 
шартнома тузилган бўлиб, унга кўра “Азия иншурэнс” суғурта 
компанияси “Ўктам” хусусий корхонасига тегишли “DAMAS” 
русумли автотранспорт воситаси билан боғлиқ суғурта ҳодисаси 
содир бўлганда суғурта пулини тўлаш, “Ўктам” хусусий корхонаси 
эса ушбу автотранспорт воситаси учун суғурта мукофотини тўлаш 
мажбуриятини олган . 
Суғурта мукофотининг қиймати суғурта қийматининг 1 фоизини, 
яъни 11 500 000 сўмни ташкил қилган ва ушбу сумма шартномада 
белгиланган муддатларда бўлиб-бўлиб тўлаш назарда тутилган .
“Ўктам” хусусий корхонаси шартнома шартларини тўлиқ 
бажармаган ва шартномада белгиланган муддатларда суғурта 
мукофотининг 7 000 000 сўмлик қисмини тўламаган . 
Мазкур қарздорлик “Азия иншурэнс” суғурта компанияси
ва “Ўктам” хусусий корхонаси ўртасида имзоланган ўзаро ҳисоб-ки-
тоб таққослаш далолатномаси билан тасдиқланган .
Шу сабабли “Азия иншурэнс” суғурта компанияси судга даъво 
аризаси билан мурожаат қилиб “Ўктам”хусусий корхонасидан 
7 155 847 сўм асосий қарзни ундиришни сўраган .

---