Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
119
Биринчи инстанция судининг 2017 йил 16 ноябрдаги ҳал қилув 
қарори билан даъво талаби тўлиқ қаноатлантирилган .
Суднинг бундай хулосага келишига тарафлар ўртасида имзоланган 
ўзаро ҳисоб-китоб таққослаш далолатномаси асос бўлган .
Бироқ Фк 942-моддасининг тўртинчи ва бешинчи қисмларига 
мувофиқ, агар суғурта шартномасида суғурта мукофотини бўлиб-
бўлиб тўлаш назарда тутилган бўлса, шартномада навбатдаги суғурта 
бадалларини белгиланган муддатларда тўламаслик оқибатлари 
кўрсатиб қўйилиши мумкин . Агар суғурта ҳодисаси тўлаш муддати 
ўтказиб юборилган навбатдаги суғурта бадали тўланишидан 
олдин юз берган бўлса, суғурталовчи мулкий суғурта шартномаси 
бўйича тўланиши лозим бўлган суғурта товони ёки шахсий суғурта 
шартномаси бўйича суғурта пули миқдорини суғурта мукофотининг 
ўзига тўланган қисмига мутаносиб суммада чеклашга ва муддати 
ўтказиб юборилган суғурта бадали суммасини ҳисобга олишга ҳақли .
Шартноманинг 4 .1 .2-бандида суғурта қилдирувчи суғурта 
мукофоти пулини тўлиқ тўламаганда, суғурта қилдирувчининг 
жавобгарлиги тўланган суғурта мукофоти қисмига мувофиқ ҳолда 
белгиланиши кўрсатилган . 
Демак шартнома мазмунига кўра, агар суғурта ҳодисаси содир 
бўлса, суғурталовчи суғурта қилдирувчига суғурта товонини суғурта 
мукофотининг тўланган қисмига мувофиқ ҳолда тўлайди . 
Ушбу ҳолда суғурта қилдирувчи суғурта мукофотини тўлиқ 
тўламаганда суғурталовчи тўланмаган суғурта мукофотини унди-
ришни талаб қилишга эмас, балки суғурта ҳодисаси содир бўлганда 
суғурта қилдирувчига суғурта товонини суғурта мукофотининг тўлан-
ган қисмига мувофиқ ҳолда тўлашга ҳақли .
Шу боис Ҳайъат ҳал қилув қарорини бекор қилиб, даъво талабини 
қаноатлантиришни рад этиш ҳақида янги қарор қабул қилишни лозим 
топган .

---