Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
115
3.18. Агар қонунда суғурта ҳодисаси суғурта қилувчининг 
ёки наф олувчининг қўпол эҳтиётсизлиги оқибатида юзага 
келганда суғурталовчини мулкий суғурта шартномаси 
бўйича суғурта товонини тўлашдан озод қилиш ёки товон 
миқдорини камайтириш ҳоллари назарда тутилмаган бўлса, 
суғурта ҳодисаси суғурта қилдирувчи, наф олувчи ёки 
суғурталанган шахснинг фақат қасд қилиши оқибатида юз 
берган бўлса, суғурталовчи суғурта товонини ёки суғурта 
пулини тўлашдан озод қилинади.
“капитал суғурта” суғурта компанияси, “нодира” хусусий 
корхонаси ва “Турон” АТБ ўртасида 2014 йил 11 октябрда гаровга 
қўйилган автотранспорт воситасини суғурта қилиш тўғрисида 
11-2014-сонли шартнома тузилган бўлиб, шартноманинг 2-бандида 
“капитал суғурта” суғурта компанияси гаров нарсаси ҳисобланган 
“VOLVO” русумли автотранспорт воситаси ва автоприцепга суғурта 
ҳодисаси, шу жумладан, йўл-транспорт ҳодисаси содир бўлганда 
етказилган зарарни қоплаб беришни ўз зиммасига олган . 
2014 йил 17 сентябрь куни соат 14-30ларда ҳайдовчи С .Парпиев-
нинг бошқарувидаги гаров нарсаси бўлган автотранспорт воситаси 
Қорқалпоғистон Республикаси, Амударё туман А 458-автомобиль 
йўлининг 74 километридан ўтган йўналиш бўйлаб ҳаракатланаётганда 
автотранспорт воситасининг олд ўнг ғилдирак шинаси ёрилиб кетган 
ва бунинг натижасида автотранспорт воситасининг ҳаракати ўнг 
томонга ўзгариб, автотранспорт воситаси йўл четидаги бетон тўсиққа 
урилган .
“Баҳолаш ва консалтинг маркази” МЧЖнинг ҳисоботига кўра
йўл-транспорт ҳодисаси натижасида транспорт воситаси ва автопри-
цепга етказилган зарарнинг миқдори 60 000 000 сўмни ташкил қилган . 
“нодира” хусусий корхонасининг суғурта ҳодисаси содир бўлган-
лиги натижасида етказилган зарар учун суғурта товонини тўлаб 
бериш ҳақидаги талабини “капитал суғурта” суғурта компанияси рад 
этган .

---