Cover page obzor iqtisodiy-last 7B. cdr

3.16. Иш берувчининг фуқаролик жавобгарлигини
мажбурий суғурта қилиш шартномаси бўйича суғурталовчи 
ўзи тўлаб берган зарар суммасини, агар иш берувчи
зарар етказилишида айбдор бўлмаса, ундан талаб
қилишга ҳақли эмас.
“Инго Узбекистан” суғурта компанияси ва “Элегант” унитар 
корхонаси ўртасида 2013 йил 13 майда иш берувчининг фуқаролик 
жавобгарлигини мажбурий суғурта қилиш тўғрисида шартнома 
тузилган бўлиб, унга кўра “Инго Узбекистан” суғурта компанияси 
суғурта ҳодисаси юз берган тақдирда иш берувчига, жабрланувчи 
(наф олувчи)га меҳнатда майиб бўлиши, касб касаллиги ёки ходимнинг 

---

ИҚТИСОДИЙ ИШЛАР БЎЙИЧА 
СУД АМАЛИЁТИ
112
ушбу шартнома амал қиладиган даврда меҳнат вазифаларини 
бажариши билан боғлик ҳолда соғлиғини бошқача тарзда 
шикастланиши муносабати билан ходимнинг ҳаётига ёки соғлиғига 
етказилган зарарни тўлаб бериш мажбуриятини олган .
2014 йил 7 сентябрь куни соат 16-00ларда “Элегант” унитар 
корхонаси ходими С .Болиев меҳнат шартномасига асосан ўз 
вазифаларини амалга ошираётган вақтда бахтсиз ҳодиса содир 
бўлиши натижасида воқеа жойида вафот этган . 
“Инго Узбекистан” суғурта компанияси марҳум С .Болиевнинг 
турмуш ўртоғи О .Болиевага 2015 йил 6 январда 440-сонли тўлов 
топшириқномаси асосида жами 30 168 967 сўм суғурта товонини 
тўлаб берган .
“Инго Узбекистан” суғурта компаниясининг “Элегант” унитар 
корхонасига суброгация тартибида марҳумнинг турмуш ўртоғига 
тўлаб берилган суғурта товонини қайтариш ҳақида 2015 йил
18 январдаги талабномаси оқибатсиз қолдирилган .
Шу сабабли “Инго Узбекистан” суғурта компанияси судга даъво 
аризаси билан мурожаат қилиб “Элегант” унитар корхонасидан иш 
берувчининг фуқаролик жавобгарлигини мажбурий суғурта қилиш 
шартномасига асосан наф олувчига тўлаб берган суғурта товони 
сифатида 30 168 967 сўмни ундиришни сўраган .
Биринчи инстанция судининг 2015 йил 8 сентябрдаги ҳал қилув 
қарори билан даъво талаби тўлиқ қаноатлантирилган . 
Суд даъво талабини қаноатлантиришда Ўзбекистон Республикаси 
Вазирлар Маҳкамасининг 2009 йил 24 июндаги 177-сонли қарори 
билан тасдиқланган “Иш берувчининг фуқаролик жавобгарлигини 
мажбурий суғурта қилиш” Қоидаларининг 74-бандига асосланган .
Бироқ мазкур Қоида 74-бандининг биринчи хатбошисига 
мувофиқ иш берувчи мажбурий суғурта қилиш шартномаси бўйича 
суғурталовчи томонидан ундирилган зарарлар бўйича жавобгар 
бўлган шахсга нисбатан эга бўлган талаб қилиш ҳуқуқи суғурта 
товонини тўлашни амалга оширган суғурталовчига у тўлаган сумма 
доирасида ўтади .
Бу ерда ишлаб чиқаришдаги бахтсиз ҳодисанинг вужудга 
келишида “Элегант” хусусий корхонасининг айби исботланмаган .

---