Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
125
объектини қайтиб олган ҳолда шартномани бекор қилишни талаб 
қилишга ҳақли .
Шу боис Ҳайъат ҳал қилув қарорининг “Шаҳло” МЧЖдан 
“Саноатқурилишбанк” АТБ фойдасига 700 000 000 сўм асосий қарз, 
30 000 000 сўм фоиз ундириш қисмини бекор қилиб, даъво талабининг 
ушбу қисмини қаноатлантиришни рад этиш ҳақида янги қарор 
қабул қилишни, ҳал қилув қарорининг қолган қисмини ўзгаришсиз 
қолдиришни лозим топган .
3.22. лизинг шартномаси бекор бўлгандагина лизинг 
обьектини лизинг олувчидан лизинг берувчига қайтариб 
олиб беришга йўл қўйилади.
“Микрокредитбанк” АТБ ва “Транс” МЧЖ ўртасида 2014 йил
9 ноябрда 114-сонли молиявий лизинг шартномаси тузилган 
бўлиб, шартноманинг 1 .2 ва 1 .4-бандларида “Микрокредитбанк” 
АТБ “COBALT” русумли автотранспорт воситасини 16 фоиз тўлаш
ва кейинчалик сотиб олиш шарти билан уч йил муддатга 60 000 000 сўм 
миқдорида “Транс” МЧЖга ижарага бериш, “Транс” МЧЖ эса тўловни 
ўз вақтида амалга ошириш мажбуриятини олган .
2015 йил 20 декабрда имзоланган топшириш-қабул қилиш 
далолатномасига асосан “Транс” МЧЖ “Микрокредитбанк” АТБдан 
автотранспорт воситасини қабул қилиб олган .
“Транс” МЧЖнинг 2016 йил 22 ноябрь ҳолатига лизинг 
тўловларидан қарздорлиги 45 000 000 сўмни, унга ҳисобланган фоиз 
эса 2 800 000 сўмни ташкил этган . 
Шу сабабли “Микрокредитбанк” АТБ судга даъво аризаси билан 
мурожаат қилиб, “Транс” МЧЖдан лизинг объекти бўлган бир 
дона “COBALT” русумли автотранспорт воситасини қайтаришни 
сўраган .
Биринчи инстанция судининг 2017 йил 24 февралдаги ҳал қилув 
қарори билан даъво талаби қаноатлантирилган . “Транс” МЧЖдан 
лизинг объекти бўлган бир дона “COBALT” русумли автотранспорт 
воситаси “Микрокредитбанк” АТБга қайтарилган .

---