Цитология эмбриология проф. Қ. Р. Тўхтаев таҳрири остида

 
 
Пулпанинг 
периферик зонаси
бир неча қатор бўлиб жойлашган 
одонтобластлардан ташкил топган. Уларнинг цитоплазмаси майда донадор, 
базофил бўлиб, ядроси ҳужайранинг базал қисмида жойлашган. Бу 
ҳужайралар ўз вазифасига кўра остеобластларга ўхшаб кетади. Бу ерда 
одонтобластлардан ташқари, преколлаген толалар ҳам учрайди. Бу толалар 
ҳужайралар орасидан ўтиб, дентинга киради ва дентиннинг коллаген 
толаларига қўшилиб кетади.
Оралиқ зона
преколлаген толалардан ва майда камбиал ҳужайралардан 
(преодонтобластлар) ташкил топган бўлиб, бу ҳужайралар такомиллашиб 
одонтобластларга айланади.

---

658 
 
 
Расм.16.6. Тиш пулпасининг схематик кўриниши. 
Пулпанинг 
марказий зонаси
сийрак толали бириктирувчи тўқимадан 
ташкил топган бўлиб, қон томирлари ва нерв охирларидан иборат. Бу ерда 
фибробластлар ва макрофагларни учратиш мумкин. Ҳужайралар орасида 
коллаген ва аргирофил толалар жойлашган. Пулпада эластик толалар 
учрамайди. Пулпа тишнинг озиқланишида муҳим аҳамиятга эга. Пулпанинг 
олиб ташланиши модда алмашинишининг кескин пасайишига, унинг 
ривожланиши, ўсиши ва регенерациясининг бузилишга олиб келади. 

---

659 
Организмда моддалар алмашинуви бузилганда, айниқса А, C, Д 
витаминларини етишмаслиги натижасида, ѐки тиш-жағ системаси 
яллиғланиши оқибатида пулпада 
дентикллар
деб аталувчи дентинга ўхшаш, 
катталиги турлича бўлган, юмалоқ ѐки нотўғри шаклли тузилмалар пайдо 
бўлади (расм 16.7). Уларнинг баъзиларида дентин каналчалари бўлади, 
баъзиларида эса бўлмайди. Дентиклалар тиш деворидаги дентинга бириккан 
ѐки эркин ҳолда бўлади. Баъзи ҳолларда улар пулпа камерасининг катта 
қисмини эгаллайди. Бу эса оғриқни юзага келтиради.