Chirchiq davlat pedagogika universiteti

“K o n s e p s i y a” (lotincha: idrok etish, tizimga kiritish) tushunchasi biror hodisani bilish, faktlarni izohlashning muayyan usuli, qarashlar va tamoyillar, asosiy nuqtai nazarni anglatadi. Ijtimoiy-falsafiy va ijtimoiy-pedagogik jihatdan yondashilganda uni quyidagicha ta’riflash mumkin.
Konsepsiya – bu ta’lim muassasalarida o‘qitadigan asosiy fanlarni mohiyati, maqsadi, vazifalari, tashkiliy ta’minlanishi masalalarni tushunish va tushuntirishga oid asosiy tamoyillar tizimidir.
Konseptual jihatdan “Renessans – ijtimoiyot tarmog‘i” kursi nomidan ham ko‘rinib turganidek, insonshunoslik va jamiyatshunoslik yo‘nalishlaridagi o‘quv predmetlari doirasidadir. Bular esa har doim va barcha mamlakatlarda davlat budjeti hisobidan o‘qitilsada, an’anaviy demokratik davlatlarda plyularistik tamoyillar, fikrlar to‘qnashuvi va o‘zaro to‘ldiruvchiligi tarzida shakllantirilgan. Bunda o‘zlashtirilayotgan bilimlar mamlakat oldida turgan alohida vazifalarga bog‘liq bo‘ladi.
O‘zbekiston ta’lim tizimi mustaqillik yillarida yangi asosda o‘zgardi. Mamlakat rejali deyilsada, buyruqbozlikka asoslangan iqtisodiyotdan bozor munosabatlariga o‘tish, xalqchil davlat va fuqarolik jamiyati barpo etish, ko‘p partiyaviylikni shakllantirish, tarixiy, milliy, madaniy qadriyatlarni zamonaviy talablar asosida tiklash va shu jarayonlarda Uchinchi Renessansga poydevor qo‘yish yo‘lidan bormoqda. Bunda 2017-2021 yillar uchun belgilangan taraqqiyot strategiyasini bajarishda davomli koronavirus pandemiyasiga qaramay erishilgan yutuqlar muhim bo‘ldi.
2022-2026 yillarda O‘zbekistonning rivojlantirish strategiyasini bajarish Uchinchi Renessans poydevorini barpo etishda hal qiluvchi qadamlar sifatida baholanishi lozim.
Maxsus kursning maqsadi
Yangi Renessansning ilk asoslarini yaratishga kirishilar ekan, bu jarayonning tub jihatlari, uning o‘tmishda kechgan davrlari mashhur siymolar haqida siqiqlikda yetarli bilimlar berish zarurligi o‘z-o‘zidan ravshan.
Zero maqsad – bu fikran o‘ylanib, belgilangan amaliy faoliyatga yo‘nalish beradi.