Chiqindilarni boshqarish

23-modda. Chiqindilarni joylashtirganlik uchun kompensatsiya to‘lovlari Chiqindilarni maxsus ajratilgan va jihozlangan joylarga joylashtirganlik uchun kompensatsiya to‘lovlari undiriladi.
Kompensatsiya to‘lovlari miqdori belgilangan tartibda chiqindilarni joylashtirish limitlari asosida, chiqindilarning fuqarolar hayoti va sog‘lig‘i hamda atrof muhit uchun xavflilik darajasiga qarab belgilanadi.

24-modda. Chiqindilarni utilizatsiya qilish hamda ularning hosil bo‘lishini kamaytirishga doir faoliyatni rag‘batlantirish

Chiqindilar hosil bo‘lishini kamaytirish hamda ularni utilizatsiya qilishga qaratilgan texnologiyalarni ishlab chiqayotgan va joriy etayotgan, chiqindilarni utilizatsiya qilishga mo‘ljallangan korxonalar va sexlar yaratayotgan, uskunalar ishlab chiqarayotgan, chiqindilarni utilizatsiya qilish va ularning hosil bo‘lishini kamaytirish chora-tadbirlarini moliyalashtirishda ulushbay asosida ishtirok etayotgan yuridik va jismoniy shaxslarga qonun hujjatlariga muvofiq imtiyozlar beriladi.
Mahalliy davlat hokimiyati tashkilotlari chiqindilarni utilizatsiya qilish va ularning hosil bo‘lishini kamaytirishga doir faoliyatni rag‘batlantirish yuzasidan o‘z vakolatlari doirasida qo‘shimcha choralar belgilashlari mumkin.

25-modda. Chiqindilarni utilizatsiya qilish va ularning hosil bo‘lishini kamaytirishga doir tadbirlarni moliyalashtirish

Chiqindilarni utilizatsiya qilish va ularning hosil bo‘lishini kamaytirishga doir tadbirlarni moliyalashtirish chiqindilarning mulkdorlari mablag‘lari hisobidan amalga oshiriladi. Bunday tadbirlarni moliyalashtirishga tabiatni muhofaza qilish fondlarining, byudjetdan tashqari fondlarning mablag‘lari, yuridik va jismoniy shaxslarning ixtiyoriy badallari, shuningdek O‘zbekiston Respublikasining Davlat byudjeti mablag‘lari jalb etilishi mumkin.

26-modda. Chiqindilarning davlat hisobini yuritish

Olib kiriladigan, olib chiqiladigan, amalda mavjud bo‘lgan va O‘zbekiston
Respublikasi hududida hosil bo‘ladigan, shuningdek tranzit tarzida olib o‘tiladigan chiqindilarning davlat hisobi yuritilishi kerak.
Chiqindilar to‘g‘risidagi davlat statistika hisobotining shakli, uni taqdim etish tartibi O‘zbekiston Respublikasi Davlat statistika qo‘mitasi tomonidan tasdiqlanadi.