Buxoro tuman xalq ta’limi bo’limiga qarashli 27-umumiy o’rta ta’lim maktabining “Geografiya” fani o’qituvchisi Sanoyeva Charos Komilovnaning

Kartografik metod. Sayohat davrida o’rganilgan barcha geografik nuqtalar va unda tasvirlangan ma’lumotlar hududning kartasiga tushiriladi. Ushbu to’plangan ma’lumotlar asosida turli ilmiy farazlar, g’oyalar, qonuniyatlar olg’a suriladi.
Aerokosmik ma’lumotlardan foydalanish metodi. O’rganilayotgan hududning samalyot(boshqa uchuvchi jismlar) yoki kosmik qurilmalar yordamida tushirilgan suratlarini tahlil orqali ma’lumotlar to’planadi., xulosalar chiqariladi hamda asli bilan taqqoslanadi.
Statistik ma’lumotlarni tahlil qilish. Ushbu metodning asosinibutun sayohat jarayonida va turli ilmiy, ilmiy-ommabop, internet ma’lumotlari asosida o’rganilayotgan hudud bo’yicha yig’ilgan statistik ma’lumotlar ko’rsatgichlarini tahlili tashkil etiladi.
TABIIY GEOGRAFIK O’QUV SAYOHATLARIGA TAYYORGARLIK VA SAYOHAT UCHUN ZARUR BO’LGAN JIHOZLAR VA VOSITALAR
O’quv sayohatlariga chiqishdan oldin tayyorgarlik ishlari olib boriladi. Tayyorgarlik ishlari quyidagi qismlarga bo’linadi:
Nazariy, amaliy , tashkiliy.
Nazariy tayyorgarlik jarayonida o’quv sayohatida amalga oshiriladigan ishlar xususiyati va turiga ko’ra o’quvchilarni bilimlari mustahkamlanadi. O’quv uskunalari tabiatga uyushtiriladigan sayohatlarni olib borishdan avval sinf sharoitida tabiiy geografik bilimlar mustahkamlanadi. Ya’ni reja olish , litosfera, gidrosfera, atmosfera hamda biosfera haqidagi nazariy bilimlar qaytariladi va mustahkamlanadi.Tanlangan mavzu yuzasidan o’quvchilarga avvaldan maxsus topshiriqlar, savollar, muammolar berib borilgan bo’ladi va uni o’quv sayohati davomida o’quvchilar guruhlarga bo’linib, berilgan topshiriq yuzasidan fikrlari aniqlanadi hamda mavzu takrorlab mustahkamlanadi.
Bunda o’quvchi va o’qituvchilarning birgalikdagi tayyorgarligi asosiy o’rin egallaydi. Ammo asosiy topshiriq o’quvchi zimmasiga tushadi. O’qituvchi tayyorgarlik jarayonida sayohatga boriladigan ob’ekt uchun zarur adabiyotlarni ,kartalarni va boshqa materiallarni tayyorlaydi.
Sayohat uyushtirishdan avval sinf o’quvchilari guruhlarga bo’linadi, har birguruh faol o’quvchilaridan rahbar belgilanadi. Har bir guruhga topshiriqlar taqsimlab chiqiladi.