Buxoro muhandislik-texnologiya instituti

Bir martalik
 don tortishda donni tegirmondan bir marta o‘tkazish natijasida un 
va  qobiqlar  aralashmasi  olinadi.  Unning  rangi  qoramtir,  zarrachalarining  o‘lchami 
turlicha,  sifati  past.  Sifatini  biroz  yaxshilash  uchun  elash  yo‘li  bilan  yirik  kepagi 
ajratiladi.  Mexanizatsiyalashtirilgan  tegirmonlarda  un  takroriy  tortish  yo‘li  bilan 
olinadi. 
Donni  tortish  valli  dastgohlarda  amalga  oshiriladi.  Ularning  asosiy  ishchi 
organini ikkita teng diametrga ega, har xil tezlik bilan aylanadigan, sirti taram-taram 
silindrik cho‘yan valeslar tashkil qiladi. Vales-lar orasidagi masofa tortishning turiga 
ko‘ra  rostlanadi.  Don  valeslar  orasiga  tushganda  pastroq  tezlikka  ega  bo‘lganpastki 
valesda ushlanib qolib yoriladi va tez harakatlanadigan yuqori valesning taram-taram 
(tishli) yuzasi bilan eziladi, maydalanadi, qisman unga va asosan, yormaga aylanadi. 
Mahsulotlarni  o‘lchami  bo‘yicha  saralash  uchun  har  bir  valesli  dastgohdan  so‘ng 
ustmaust  joylashgan,  turli  raqamli    elaklardan  iborat  elakdon  o‘rnatiladi.  Elash 
natijasida ikki fraksiya hosil bo‘ladi: elak teshikchalaridan o‘tmagan qoldiq va elak 
teshikchalaridan o‘tgan-elanma. 
Eng yuqorigi qoldiqning yirik o‘lchamli zarrachalarining o‘lcha-mi 1-1,6 mmni 
tashkil qiladi,  keyingilari yirikligi bo‘yicha yormacha va dunst-lar deb ataladi. Eng 
oxirgi mayda fraksiya elanma undan iborat.  
Valesli  dastgoh  elakdon  bilan  birgalikda  sistemani  tashkil  qiladi. 
Sistemalarning  maydalovchi  va  yormani  unga  aylantirishga  mo‘ljallangan  yanchish  
turlari  mavjud.  Maydalovchi  sistemalarda  vales-lar  taram-taram  novli  bo‘lib,  tez 
aylanadigan vales tezligining sust aylanadigan vales tezligiga nisbati K=2,5 ni tashkil 
qilib,  ular  donni  yormachalar  va  dunstlargacha  maydalash  uchun  mo‘ljallangan. 
Yanchish sis-temalarida valeslar g‘adir-budur yuzali, K=1,5 bo‘lib, ular tortish oraliq 
mahsulotlarini unga aylantirish uchun xizmat qiladi. 
   
 

---

210